صفحه خاصه لشاعر عافت سعد الامير

محاوره بين الشاعر عافت والشاعر مطرالطرقي

عافت سعد

سلام تسليمه وفاء ترضي جميع الحاضرين
نبدابها من خاطرٍ باخوان عند اخوانها

لا يا مطر كانك تبي تاخذ و تعطي من يقين
لا تجهل حقوق العرب و الناس قدر شانها

مطرالطرقي

يامرحبا بك ياهلا ياصاحب القلب الفطين
اقولها من قلب والعالم طوال ايمانها
الحق مرضي وفتهم للعلم يارجال زين
اسلومنا وسلومكم ياصاحبي ماشينها

عافت سعد
اعرف طريقك و ان جهلت انشد رجالٍ عارفين
انشد و اهل مكه هم ادرى الناس في شعبانها

الخشم لا منك طرفته طاح دمعٍ وسط عين
و البندق العوجا ما صادت بالهدف نيشانها

مطرالطرقي
ماشي على دين النبي ياخوانا يالمسلمين
دام الرساله بينت لناس من عنوانها
وانته على ماقيل هات ان كان باقي لك دفين
إلى متى والسالفه بالقلب ياسجانها

عافت سعد
شي يبين وبعض شيٍ يا مطر صعبٍ يبين
اما على مخلب شطير او جت على نيبانها

انا لقيت الناس و اكثرهم يجيك بنيتين
مير انتبه و الناس تمسك من كلام لسانها

مطرالطرقي
دامك تعرف ان الخطاءتحسب على صحيبك دوين
والناس تحلف دين لا منك رضيت ايمانها
الى متى ياتايهين الى متى يالفاهمين
والكلمه العدله ترى ترجح على ميزانها
كلٍ يعرف ان الخطا يحط قدر الغانمين

عافت سعد
خل العواجه عنك كانك قافلٍ بيبانها
شفنا مطر بالضلع لكن ما معه غير الطحين
ليت العرب باشوارها ما طاوعت شيطانها

مطرالطرقي
هجمه وانا باقول تحسب لك ياعافت هجمتين
لاصرت مانت ألنار خلك ياولد دخانها
احسبك ذيب البر لكني لقيتك بالقطين
الذيب لا من زج صوته جاوبت ضلعانها

عافت سعد
حنا عرفنا منهجك و اثرك مثل ابا الحصين
و الا الطيور الجارحه معروفهٍ عقبانها
لا يا مطر حطيت باذنك طين و الاخرى عجين

ما عاد تفرق بالعرب شجعانها و عوجانها

مطرالطرقي
مادام مهنا شئ اقول احسن كذا متساهلين
من بعد ذي احصانها ياصاحبي ولسانها


يعطيييييك العافيه عافت


صح الله لسانك

محاوره بين الشاعرين

الشاعر عافت والشاعر عبدالله سنيد


عافت الاميّر

سلام تسليم مثل نور القمر
دام المعاني حاضرٍ شعارها

نسبح بحر و نغوص في غبه بحر
والناس اسايرها بحسب افكارها

عبدالله سنيد

حييت ياشاعر عدد وبل المطر
ولا المعاني هيَنات اخيارها
حنا تواجهنا على راس الشهر
والناس ماتبدي عليك اسراها

عافت الاميّر

الناس جابت لي عن الجار الخبر
كل العيون اتلد لك بانظارها

شفنا لكم بيرق تعلا و اشتهر
الله يكافيك شرور اقدارها

عبدالله بن سنيد
ايديك فيها خير وعيونك حمر
وجيراننا نحرص لكل اخبارها

مبطي بيارقنا ترفرف ؟ واتخبر
ام الكباير ماتهد احوارها

عافت الاميّر

عشنا وشفا اللي تغير بالدهر
شفنا التغير بالعرب و ادوارها

لقيت من يمشي على بطن و ظهر
لا تخلفك بعض العرب باشوارها

عبد الله بن سنيد

ماعاد ندري وش بقى تال العمر
القاع ياعافت تموت اشجارها

مرسيَ على ماقيل ماجمَل مصر
حاس العرب بصغارها واكبارها

عافت الاميّر

ابعتبر ما قلت لي وجه نظر
الناس حولك حوطتك اسوارها

الهمه الهمه و لا تخشى الخطر
درب العلا لا يتعبك مشوارها

عبد الله بن سنيد

النار تصلا واللهب فوق الجمر
شف لك طريقه بالهوى واختارها

انتا توصيني وانا راع الظفر
يوم أن بعض القوم ماش اعذارها

عافت الاميّر

اليا اذن المذن و صليت الفجر
تلقى معك ناس تبيع اعمارها

دام الحذر ما فك من حكم القدر
الناس عاملها على مقدارها

عبد الله بن سنيد

لاهنت ياعافت معي مد البصر
قدام بليجكك تصك اعيارها


وصح السااانك وبيض الله وجهك

عافت الامير

سلام تسليمٍ مثل ريح الزهر
تسليم منبعه الوفاء و المرجله
يا حضرت الشعار نادوا لي مطر
بالملعبه نرضيه و الا نزعله

مطرالطرقي

يامرحبا بك وانت لك عز وقدر
حسب السلوم الماضيات الاوله
انا هناء صاحي ذهن وايضا فكر
ياحافظ الاخلاص وايضا الزلزله

عافت الامير

من لا استفاد من التجارب و العبر
وش عاد يرجي من ورا مستقبله

شفنا اختلاف الناس في وجة نظر
الا الخطا كل البشر ما تقبله

مطرالطرقي

انته رياضي ماتحب الا النصر
يفيد بك ولا النقاش نطوله
الى متى والناس يأكلها الفقر
زرعت لي حبه ولا جت سنبله

عافت الامير

لا تعتزي باللاش و الا بالغبر
كل على فعله يحدد منزله

يستقبل الرادار موجات القمر
و اللي عليك انك تحل المشكله

مطرالطرقي

مالي بلقمه دقرت وسط النحر
مانبتلش بحبال دوم محلحله
الحكي مامنه ترا واحد تجر
فاضي مخابي والعقول مفوله

عافت الامير

يوم ان بعض الناس حاول ما قدر
شفتك براس الضلع ما انته باسفله

اخذ الكلام اللي عليه المعتبر
كل يجازا يا مطر حسب عمله

مطر الطرقي

محسوب للازم يعلك لي ذخر
هذا الصحيح وهات واحد يجهله

عافت الامير

يبين يوم و يختفي عشره ايام
يا مال فرقا العين عيا يقاضب
حشيم من ناسٍ عزيزين و حشام
نغليه يا مخلد لو انه معاضب

الاديب مخلد

يسوى القليب عنده الروم والشام
وهو على ماقيل عنده مواضب
فيه النفل ماصد عنه ولاشام
يرتاح لو شمه ولو كان غاضب

عافت الامير

مْن القليّب ينقل اخبار الاعلام
ويرسل و هو بين الجماعه محاضب
ناقد ع بعض الاوادم من العام
اخذ الحذر مخلد و ابالك تقاضب

الاديب مخلد

مهتم بالنقل الصحافي بالاقلام
[واعلامنا] خلى شوشنا تقاضب

راع الكتاب اللي له اهداف قدام
في دولة= ماعنها النفط ناضب

عافت الامير

عاف الامير
سلام تسليم الوفا نبدابه و من بعدها نار المعاني حيه

و الشاعر اللي ما بذل مجهوده واحد من الاثنين يطلع برا
من لا مشى بالعز بين اللابه ماهو بعارف قيمة الجنبيه
ايام وسنين الفتى معدوده واحد من الاثنين يطلع برا

مخلد
يامرحبا ترحيبة=منسابة
من لب ترفات الفكر منقية
الشاعر بقافه يبين جوده
واحد من الاثنين يطلع برا
كل= يعلم مادرس بكتابه
والسالفة ماهي ترى منسية
كل يبا العليا ويطلب زوده
واحد من الاثنين يطلع برا

عافت الامير

.
لو ان مخلد ما دخل بالغابه ما حط رجله فوق ناب الحيه

ناس تعرض للبلا مقروده واحد من الاثنين يطلع برا
بعض العرب لو يعجبك بثيابه غطت على حسناه فعل السيه

وحده من الثنتين به موجوده واحد من الاثنين يطلع برا

مخلد
لو كل من واجه لخصمه جابه
ماشلت هم العالم المنسية
الناس كل= حامي=لحدوده
واحد من الاثنين يطلع برا

بلشت انا بالعالم المرتابه
اللي تعيش الفكرة السلبية
يرمي شجرة الناس في باروده
واحد من الاثنين يطلع برا

عافت

.
الناس لو تامن بها نصابه تبين لك بعلومها ماريه
كلٍ يبي يارد لنبع عدوده واحد من الاثنين يطلع برا


من لا وقف دون الحما و ترابه داست حماه الناس وقت الهيه

و لا صار مابك فزعه محموده واحد من الاثنين يطلع برا

مخلد

.
بعض البشر من كثر ماتبلابه
كنه يفر الكورة الارضية
تلقاه دايم ما انت راجي فوده
واحد من الاثنين يطلع برا

انا اعرف ان الطير من مخلابه
اما خذا هذيك والا ذيه
تحركاته كلها مرصودة
واحد من الاثنين يطلع برا


عافت

.
شفنا و لكن كل سبع ونابه مامن ورا النيبان لك ماويه
و الظربه اللي لو خفت مشهوده واحد من الاثنين يطلع برا

السيف له قضبه بيد قضابه ماهو بجاهل قضبته راعيه
كلٍ على عرفه و قو زنوده واحد من الاثنين يطلع برا


مخلد

.
ترى صحيبك ماترك مشعابه
والم على اللي تلحقه جنية
يوم النفوس المبغضة ملهودة
واحد من الاثنين يطلع برا

السيف ماكل= يبي يزهابه
حفظ المسمى غايته والنية
والليل ماهبهب نسايم نوده

واحد من الاثنين يطلع برا



صحت اللالسن

عافت سعد

يا مطر حنا نخبرك رجل تسوى لك قبيله
مير تال الوقت اشوفك يا مطر ضيق حضيره
الجزيله ما تجيك الا من رجال الجزيله
و انت رجال تشوف الدرب و عيونك بصيره

احمد جابر
يابوديم اليا غدا بالوقت رجالن دليله
ومن قبل يحسب حساب الاولى قبل الاخيره
الجمل لامن برك للحمل يا لصاحب يشيله
ولا شكى ضيم الليالي و المسافات العسيره

عافت سعد
يا احمد الجابر ليا شفت الخطا جنب سبيله
انقل العلم و تحقق لي من رجال العشيره
كان ضاع العلم ما احد ميز بقيمه قبيله
اختلفنا و العوارف ما بهم من تستشيره

احمد ال جابر
ما يضيع الحق ياعافت تراها مستحيله
وان عرفت العلم هات البدقيه و الذخيره
والله اني مجتهد لاكن ما باليد حيله
خلها يا صاحبي تمشي على ستر وستيره

عافت الامــــــــير
ما لك و ما للعلوم اللي بها لفه و ميله
انتبه لي خلها تمشي على منهج و سيره
بالمواقف كل رجل نيته تكشف حصيله
ركز النيشان و ارمه دام بندقك القصيره

احمـــــد الجابر
لا تخيل البارق اللي لاح في عرض المخيله
كل حي" يعلم الخلاق وش داخل ضميره

انت شاعر يابن عمي ما نبي شاعر بديله
كل طيرن يعرف الوجه قبل ينوي مطيره

عافت الامــــــير
البحر ما ينطحه غير الرجاجيل الخبيله
يوم بعض الناس طقت عنده اسلاك الظفيره
دورت الافلاك تكشف لك وسيله عن وسيله
علم اللي ما يعرف العلم وش تالي مصيره

احمـــــد جابر
لا بغيت الدرب يا عافت تراني مرتكيله
كل واحد في طريقه لامشى يشعب بعيره

صحت اللالسن

سعدالنصافي


عافـت الاميـر

يا علي ليتك تشوف اللي عليكم شب ناره
همش الجيره و يجمع للمغاره كل عده

لا احتمى الموقف و ثارت غارةٍ من عقب غارة
انت تزبن للحفر و الا تعدا يم جده

علي الر و يعي

والله أني شايف اللي شفته ولابه خساره:: والحبال انكان رخيناه بكره جيت اشده

طالبك يالله تمناء على ليل ونهاره :: وطالبك يالله في عافت وعلمه لا ترده


عافت الا مير

علم اللي مستريح البال عن قدح الشراره
و انت رجال عزيز و لا تعدى فوق حده

كل بيتٍ ينبنى معروف حده من جداره
انتبه من عالمٍ بيتك على راسك تهده


علي الرويعي

أنت ودك تعفت الدنيا ولا عندك شطاره :: مير كد الخط يابن الناس خلك بالمكده 

وأعرف أن الحر يفهم ياعميلي بالأشاره :: ضاعت الفرصه عليك ولا تصيبك منا غده

عافت الا مير
انتبه لي لا تخالف قبل اجرك للاماره
العيون تراقبك و انته لك عيونٍ مصده

الحرار اليوم عاشت في نعيم و في حضاره
لاتناطح لك جبل وانت اتعرف ماانته بقده

علي الرويعي

روح جر اللي بحارتكم وإذا عندك نعاره :: منت وامرني وتنهاني وأنا بقول وده 

ياجبل جاك البحر موج ايتلاطم مع حجاره :: لاتضيع بين جزرُ وأعرف أن ماجاك مده

عافت الامير

الهزيمه تعطي الرجال معنا لانتصاره
عام الاول شفت ابوك يقود بالساحات جده

ارفعك لكن مثلك يلتفت يم الجحاره
لا تجي لقمه بنيبان السباع المستهده

علي الرويعي

ماألتفتنا للجميله ولا ألتفتنا يم ساره :: والعلوم الطيبه ضاعت وعافت بالمخده 

ماتطمن ماترفع والا أنا في رأس قاره :: سامحك رب الملا مثلك بساعه جبت سده

صحت اللالسن

عافت الا مير 

يا عيد وش لك بالخشب و المسامير
لا صرت ما تقدر تعمر مباني
لا صرت ما تارد على جمه البير
ابعد و لا تقرب لقرص الاذاني


مطر الطر قي 

الظل با لشجره وعش العصا فير
'
قدام يا عا فت تمس البطاني

من بعد هجر س قلت جتك النواذير
"
جا ك الخبر منا عيا ن ن بيا ني

عافت الا مير 

مصايب الله جت من عوير و زوير
اللي اليا اشتد الحبل ما تداني


صبحتنا يا عيد صبحت بالخير
العلم باكر تاجده عند هاني

مطر الطرقي

تحمد الله د ا مها جت من العير 

من بعد ها تردا عزوم الحصاني

اقو لها قدام كل الشواعير
"
وانا على قولي و هرجي ظماني

عافت الا مير

العير حطينا بذيله مواصير
وصارت حياته بين خوفٍ و اماني

عزي لحالك يا دقاق المناقير
 وشو حصيلك في توال الزماني

مطر الطر قي 

يا نخلة الا حساء عسى بك نوا وير

يو من وجه بك فلا ن الفلاني

خلك خلا ف القوم بتلى المظاهير
"
شا نك ليا من قمت قللت شاني


عا فت الا مير 


النخله اللي طلعها للبشر غير
من دونها زندٍ و سيفٍ يماني

لكن لقينا بالعرب حسبت اسبير
يحسب و هو بين العرب شي ثاني

مطر الطرقي 

من غير نا تحسب معه يا ولد ضير
"
والعز راسي ما يجي بالطماني