صفحه خاصه لشاعر بداح نوران العرماني

بداح ال عرماني

مطر تقدم وقلي كان عندك ظروف
سلام يصحابنا البذال ويا الهزيم

ان كان عندك شحم ازهل علي الكتوف
وان كان راعي زعامه حاضرلك زعيم

مطر ال طرقي

اي والله ابداح مايلحّق كلامه حسوف
محتاج والوضع ما يجهله غير الغشيم

ام الشحم مدها واقلط علالك خروف
خل الجزيره وخلك مستكن بالقصيم

بداح ال عرماني

حنا خذينا سيوف ولاعطينا سيوف
والخط لاتجهله والخط ذا مستقيم


دايم نعرفك شجاع ومكرمن للضيوف
ذكرك وصل للرياض ولف وسط النظيم

مطر الطرقي

من طيب حظكـ عليكـ تلوق كل الوصوف
من حاضر الوقت ابن نوران ولا قديم

وانته تعرف العرب والعين لازم تشوف
من دون قول احلف بربك وربي عظيم

بداح ال عرماني

انشهد ان المرافق معك مافيه خوف
والحروة اللي يبيها واصله دون ضيم

ماينقص الرجل يالاصحاب كثر الحلوف
ومن كثر مايشوف ذره قالو انه عقيم

مطر الطرقي

مالي بحاجه تخّل العلم ولا الصفوف
الطيب شبه بغيمٍ جثل ماطره ديم

علمكـ تقلب على الجنبين مثلكـ عروف
كر الحطب لاتعوج الصلب تزعل هتيم


صح لسانك شاعر مبدع مافيك حيله
قروب ميدان المحاورة