صفحه خاصه لشاعر / عجاج مرجــي البناقي

عجاج البناقيء

سلام ياشاعرً وصفه كما جبال السراواتي
راع النواميس بالماجوب راسي من رواسيها

لك شوفةً وحده وقيل العرب تشوف شوفاتي
ومقيول كشافة استار العرب تبلا بخافيها

عبدالله فلاح

يا مرحبا ردةً من هاجساً يقفي بها و ياتي
من قبل ما نكحل عيون القصيد وقبل نعميها

ما غر بعض البشر غير الهقاوي والملذاتي
لا تنخدع بالبشر يا صاحبي كبرت اساميها

عجاج البناقيء

البعض لا نب بالمجلاس قال سوو سواتي
يفتي بهرج ولاهو باللذي يتبع معانيها

وين انت عن كلمته يابوفلاح تصير شماتي
ولا تقديه بدروب السنع ولا خطاويها

عبدالله فلاح

كثر الحكي ما نفع وقت اللقى لا صار هداتي
العين ما تعتلي حاجب ولا ادري من يسويها

ثابت على موقفي لو البشر تهمل لـ وقفاتي
سياتهم يا زميلي دايماً تشفع حسانيها

عجاج البناقي

كثر الحكي مانفع لاكن صنع غلً وشكاتي
بين الجماعه وفرق صاحب وجنوب يفريها

السم من سبته عدة ضحايا بالوفياتي
والوسم يحي قلوب من قبل الارض يحييها

عبدالله فلاح

الواثق اليا مشى يمشى ملك رغم اختلافاتي
واليا جرح جرح يصعب ما يحصل من يداويها

صح لسسسانكك يعطيك العافيه