محاوره بين الشاعر مطلق بن عيد النصافي والشاعر مطرالطرقي الجميلي

مطلق النصافي

ياسلامي عليكم والمعاني خفيه
قلتها من هجوسن هامت بكل وادي
لا حت بروق والرعاد مر الحويه
عقب ماراح وقت الصيف جانا البرادي

مطر الطرقي

مرحبا بگ هلا بگ من هجوس ن قويه
ي المسلم هلا بگ وخذ علم الوكادي
لا تخيل البروق اللي تجيك محديه
بارك الله بفكرك دام فكرك سدادي

مطلق النصااااافي
البقا وانت شاعر بين هذي وذيه
ماجهلت البياض ولا جهلت السوادي

احتفظ بالرعيه وانت راع الرعيه
معي مشعاب وانته في يديك الهوادي

مطر الطرقي

تونا ب اول المشوار طرقه مديه
قبل لا اجهل وتجهل وانتبه لشدادي

منت جاهل سنام ولا انت جاهل طميه
ول يا مقشر اللي فهم زاد العنادي

مطلق النصافي

والله انا نعرف الطيبه والرديه
لكن انته بتال الوقت صرت اتحادي

يامطر دام نار القوم للقوم حيه
ودي اشبها بين الجمر والزنادي

مطر الطرقي

انت لو قلت مهما خل قلت العبيه
ماهي بلك تراها من قديم وجدادي

خلنا نكمل الطاروق مالك دعيه
انت مره حليف ومرتين معادي

مطلق النصافي

كل علمك هذا ماله معي قابليه
كيف تنسى المسام وكيف تنسى (الشدادي)

انت ذيبن لعب بالقوم فالجاهليه
لكن ابذعرك دام المنادي ينادي

مطر الطرقي

احسبنك ثبيتي واثر مطلق سميه
واصلي واصلي والعز لك يا بلادي

دامها بيننا معروف مني وفيه
بارك الله ب شاعر يشكر ليا اجتهادي

مطلق النصافي

كل شاعر نبي نعطيه ميه بميه
لا تجيب المقول وانت رجلن قيادي

قلتها مير ما بيني وبينك هديه

مد شوفك مادام القرص مابعد جادي

مطر الطرقي

ان عطيتك تحيه فالعلم له تحيه
وانت مالك بعدها غير صفق الايادي

ما نجيب المقول والصيارم غنيه
وكلمة ذاعها مطلق وجت بروادي

مطلق النصافي

من تقلب على بطن وظهر في خويه
يعترض ياجماعه للسيوف الحدادي

انت صاحي وانا صاحي وانا ماعليه
بس نوبن تغرك جمرتن في رمادي

مطر الطرقي

انت شاعر تعرف الحر ماهو حديه
قبل شرك يطولك شوف طيب الهدادي

مالتفتنا ترانا لمن لبس سا حليه
جمرتگ في مشبگ لا تعود سمادي

مطلق النصافي

كل ما امد شوفي جبت عقرب وحيه
جعل سم الحيايا في ضلوع المهادي

طاب فالك وريح بين شمسن وفيه
قبل تأثر على نفسك عذاب ونكادي

مطر الطرقي

كل ماقلت هذا العلم زاد الغبيه
لو يمد النظر ماشاف عين الجرادي

النوايا مطيه وش عليك وعليه
الجماعه تشوفگ وانت شوف العبادي

صح الله لسانگ وابدانگ