محاوره بين الشاعرين مطرالطرقي والشاعر / بدر المخيمر

مطرالطرقي

سلام والترحيب والشاعر نشوفه لا قدح
اقولها باسم الرجال اللي يزيد حضورها

اليا بدينا وبتدينا والمعنا لو فلح
ما عا د هي لحيه هلا والنار وسط صدورها

بدر المخيمر

يامرحبا بك ياالمسلم واستعد واسترح
خلك معي مضبوط والمعنى يخج بحورها

اقول عين خير وابعد في نظرك ليا شبح
حذراك تقرب من عداك وتقترب لنحورها

مطرالطرقي

ي بدر هات اللي معك والشين خله ماصلح
والملعبه لا تزينت قالوا يشعع نورها

ماعاد لك فالمدح ياشاعر وانا ما بي مدح
الله يكافينا السنين الغبر ويكفي جورها

بدر المخيمر


فرحان ما لمناه يومنه عقب غيضه فرح
ياجعل تسقيه المزون ليا اشملت بعبورها

ابنشده لا راق باله والمزاج ليا انشرح
يمشي علا سيف البحر والا ركب بابورها

مطرالطرقي

حنا نعرفك ي ولد فالعز باني لك صرح
والناس مثلك ي ولد بالك تزين عورها

انا اعرفك حرن نداوي مايعبه لو طرح
لازان مسرانا معك انظر واراقب قورها

بدر المخيمر

مابك قصور ولا نقول الا كلام يجيك صح
والملعبه يشهد لشاعرها حساس شعورها

انا ادري انك قبل تسري لازم انك تصطبح
اصبح وعين خير والديبان وسط جحورها

صح الله لسانك