محاوره /الشاعر فهد سويلم &الشاعر عافت سعد &مطرالطرقي

الشاعر فهد النصافي
سلام الله سلامٍ فيه باس وناطحٍ له باس
ياصعب الحل مادام القضيه بين باسيني

ردمطرالطرقي
هلا بك مرحبا بك يالنصافي يارفيع الراس
تقوله وح سب ن شرواك يارجال ناسيني

رد الشاعر عافت سعد

هلا يا مرحبا ترحيبة تهدى لاعز الناس
ولد عم و عزيز و نذخر ضد المعاديني

فهد سويلم

أنا ماأنسى خويي والاوادم من قديم أجناس
أنا ماأنساك وقت العسر كيف أنساك بالليني

مطرالطرقي

علا مك يافهد حدينتنا والوضع هو حساس
!!
وانا داري قبل واللحين شاريني

فهد سويلم

يدووم لك البقا يالقرم عافت تستحق الكاس
على قول المثل والعرف له وصف وبراهيني

عافت سعد
نعرفك ما تنكر و الذهب ما اقارنه بنحاس
و لابد الليالي تكشف المستور و يبيني

مطرالطرقي
يدوم الك البقاء ياراس راس العز والنوماس
سعد راس ن يسجل بين قوسيني

فهد سويلم

ياكثر اللي نبي لو نحسب الاخماس والاسداس
ولابه غير شيٍ قانعينٍ به وراضيني

عافت سعد

يقولون العوارف كل رجال و له مقياس
و انا اقول النصافي ما جهل بالشين و الزيني

فهدسويلم
قياس الرجل عرفه والليالي تتعب العساس
يبين العرف واللي تعرفه ماهو بخافيني

عافت سعد
لقينا بالاوادم من معه فكر و نظر و احساس
و من لا يقتدي بالنور ابد ما اشوفه بعيني

فهد سويلم


ياكثر اللي ليامنك لمسته بالعصا ينحاس
عقب ماهو فدائي دوره في بحر تسعيني

عافت سعد
قوي الباس بالميقاف يربح ما رضى الافلاس
عزومه ما تردى باختلافات الموازيني