محاوره بين الشاعرين سعيد سعود والشاعر سعد العويد

محاوره بين الشاعرين الشاعر سعيد سعود والشاعر سعد العويد

سعيد سعود
سلام تسليمة الاسلام لاهل الشعر والحاضرين
اعداد ما لاح براق السحاب وهل همالها
يابن عويد هلا حييت والافكار درٍ ثمين
والطيبة ياوسيع المعرفة من حظ من نالها

سعد العويد

فيك البقا ياصديقي والهلا بااخواني الغانمين
ترحيبة تسعدالحضار لامن مد فنجالها
اقلط على الشعر ماقدامك الا كل حرف ثمين
حنا لها كل ماتكبر هقاوي الطيب حنالها

سعيد سعود

توتر الوضع طول وعرض والخافي علامه يبين
وصلت علوم العرب لومانشدنا الناس عن حالها
استمطر الصبر لو الصبر للصبار ماهو بزين
بعض البشر تشعل الفتنه وهي ماتنقذ عيالها

سعد العويد

الوضع ياصاحبي يحتاج له رجل فطين ورزين
ماهو من اللي اليامنه سمع له حاجة قالها
لازم نشيل الحمول الكايدة ونشجع الصابرين
ونخلي العالم اللي ماتحفظ العلم في حالها

سعيد سعود

وشلون لاصار راس القوم يتبع ناس متوترين
والبندق الخايبة ياصاحبي مافاز من شالها
وقف عمر قصة التحريف والقصة لها من سنين
صوله وجوله لكن الخيل بعرف وين خيالها