المحاورات الخاصه ب الشاعر أحمد بن ملفي الهزيمي

أحمد بن ملفي

سلام الله سلامً يكشف الصادق من الكذاب
وبيتً يفتح ابوابه و بيتً يقفل ابوابه

يقولون العرب من بدل اثيابه وهو ماشاب
يبا ايشوف العواقب من بعد مابدل ثيابه

عمر بن صبح

هلا يا مرحبا باللي لو اننا ندبل الترحاب
غلاه اكبر من الترحاب عند اللي تحفوابه

ما دام ان العلوم اللي بصدرك حاصله باسباب
تفضل هات ماعندك وكلً يحسب حسابه

أحمد بن ملفي

يدوم الك البقى واللي مثل شرواك ماينساب
ومثلك ياعمر بين الخلايق ما بلشنا به

ترا للخيل خيّاله وللكيف الحمر شرّاب
وانا ما ودّي انك تقضي ايامك وسط غابه

عمر بن صبح

قبل لا تهدم البيت العتيق وتشلع
الاطناب
ترا بيتك يابن ملفي نشوفك رجلً اولابه

ماجبت لنا جديد الا ما قالوا جملة الكتّاب
تحسب انّ ما ندري وانت شيخً وسط محرابه

أحمد بن ملفي

ياكثر اللي وقف دونه قبل لا يدخل الابواب
ملوك الجن دونه تحمي املاكه و سردابه

ترا بعض المغازي دون حرب ولا عليك احراب
احنّك حنّة اللي يضفي الخايف بجلبابه

عمر بن صبح

عليك الله تخون اصحابك اللي ما بعدها اصحاب
نجي منا واثرك اللي يجي مناك لاصحابه

ابن عمي ما اعدك يابن عمي حسبة الاجناب
تركد قبل لا تصبح قريص اللي بدا نابه

احمد بن ملفي

اثرك العقرب اللي ماتعامل غير راس الداب
نسيت ان الزمان يروضك لا حدد انيابه

انا ماني بقايل غادر و سكر وراك الباب
لو انك تثبت التهمه وسيف الحق بجرابه

احمد بن ملفي

سلام تسليمةً تعمي عيون وتكحل اعيون
تعمي عيون الحسود وتكحل عيون الموالي

الشاعر اللي يشوف انّه على الميدان دندون
لا تبرد اعظامه اليا هبت انسام الشمالي

سعد مخلف

يامرحبا والعدو ياصاحبي وابليس ملعون
او جر صوتك على طرق الهجيني والهلالي

ان كان تبغى علوم القوم به صاحي ومجنون
شاعر وتلقاه من داخل من الافكار خالي

احمد ملفي

حنا نصون الكلام ولا نبيّح كل مكنون
واحيان علمي تبيّض رايته سود الليالي

ماني مدرّج قدم رجلي على الهفوات والدون
الدون ماله بقاموسي كلام ولا مجالي

سعد مخلف

مايغني العبد لا باح السريره مال قارون
انته حلالك معك وانا معي باقي حلالي

حنا نعرف الذهب لو الذهب بالسوق مصيون
حنا نقدره لو ان الذهب بالسوق غالي

احمد ملفي

الناس في مصر شغّاله تدور قبر فرعون
وفرعون ماله قبر في مصر جعله للصوالي

شلفا ذياب الشهيره بالجزيره زادت طعون
طاري صداها تعدّا صيت ابو زيد الهلالي

سعد مخلف

اثريك واثريك من شركة يقولون ويقولون
يمكن من فكرتك هاذي تسوي لك مقالي

الناس تدري عن اللي قلت كل الناس يدرون
هاذي على الدرب والا جابها نسج الخيالي

احمد ملفي

حنا من اللي يابن مخلف يقولون ويطولون
الطيب عمّي وخالي وانت لا عمّي وخالي

العام قالو سعد حصّل من المليون مليون
واليوم ماشفت في جيبه جنيه ولا ريالي

سعد مخلف

والنعم ياللي بهالدنيا تصولون وتجولون
والطيب معروف ابن عمك ومن دم الغزالي

انته نكرت الجميل وصار بك قرحه وقالون
انا لو افرد جناحي صار لك في وظلالي

احمد ملفي

انته مواطن تحت ضل الملوك اللي يحكمون
تحمّد الله وحط البن في وسط الدلالي

ماضللّت راسي العربان ياللي هقوتك دون
وان كان ضللت راسي جعل راسي للزوالي

[i][/i]

احمد بن ملفي

حي الله الطرقي اللي راح عمره هباب
وحنّا من ايام و اكثر نحتري جيّته

عودً و شاقت عيونه للصبا و الشباب
وايقول ليت الزمان ايبادر ب فيّته

مطر ال طرقي

فيگ البقا ي المرحب قبل نعطي جواب
ي الشاعر اللي لفاء م يندرا ش نيته

اهب ي ذا الغّليم ي عساك الذهاب
ي اللي حسانيه قفت وقبلت سيته

أحمد بن ملفي

ياصاحبي خلّ سيفك وسط جوف الجراب
السالفه يابن طرقي ماهي امبيّته

ان كان نيّتك سودا مثل لون الغراب
مالي دخل فيك ياللي جيت ف انحيّته

مطر ال طرقي

م زلت في ديرتي جنوب رفحا و نصاب
ي اللي بعرعر ويأتي معه رديته

ابستمع لگ مازالگ مقتدي ب الصواب
والكل منا يبا يمشي بحريته

احمد بن ملفي

ما جيتك الا وانا من فوق راسي سحاب
ابحيي الشجرة اللي من سنة ميّته

وقت الله الله نشوف المستحي مايهاب
وان كبرت اقفى وكوّع في ذرا خيّته

مطر ال طرقي

مادامها فوق راسگ تتا تتحمل عذاب
يبا ينوشگ انقط ليا نزل ميته

فتش جيوبگ وناظر وش لفى ب الخطاب
عليگ ب اللي تذرا الروس فييته

احمد بن ملفي

طافك قطاري ذهاب و طافكم باالاياب
ما رحت في روحته ماجيت في جيّته

صح الله لسانك