محاورات الشاعر الكبير بدر الطبيخي ....

.
.
.

عزيز ال طبيخي

ي سلام الله سلام " على هونه
ياصل الاصحاب رجلي وخيالي

ليت ابن طرقي يفتش تليفونه
قبل لا يبدي كلامن على بالي

مطر ال طرقي

مرحبا بك يا هلا بك وش المونه
بالنيابه وانت ياطيب الفالي

حافظ " خطي ودايم تملونه
والعرب تسمعك لا تشوش ارسالي

عزيز ال طبيخي

شرهت اهل الواجب اسيوف مسنونه
وانت راعي حق ولا يورالي

زوج المجنون من بنت مجنونه
مير ضاقت علمن مالها والي

مطر ال طرقي

الاوادم بعضها حيل ملسونه
يالطبيخي وانت نورك هذا عالي

بنت ابوها غاليه حيل دندونه
وانت راس المال مع روس الاموالي

عزيز ال طبيخي

مايجيهم غير مايستحقونه
والمراجل سوقها ياعرب غالي

موتر الطرقي مسح كل طبلونه
مع طريقن فيه لفات وجبالي

مطر ال طرقي

مالفيتوا به تراكم تلاقونه
ون عطيت ريال زدانكم ريالي

وانت صدت الحر ما صدت سمونه
راعي الطرقه بخيص " بالامثالي

عزيز ال طبيخي

رحلت الربان ماهي بمامونه
لاعرفت المر ماتجهل الحالي

والله اني مجهل الي تمنونه
والمقرد تعطي المهمه الخالي

مطر ال طرقي

لو سكتنا كل مافاح ما عونه
يا لطبيخي دام بالدار نزالي

الشهر هذا نصوم وتصومونه
غن ياليل الشقى دام غنالي