صفحه خاصه للشاعر حسين سميان

حسين سميان

مرحبا يازيد واقلط على سمن وسمين
في دجى ليله كما الغيث لا لاح الخيال

ليلتن فيها يبي يقطع الشك اليقين
مثل مايفرق حرام المعيشه والحلال
زيد البناقي

البقا بك تفعل الطيب ي ذرب اليمين
والقمر لا شيف بالعين قالوا له هلال

الرخيصه ماتقارن مع الدر الثمين
سوقها معروف ي حسين من ماض الليال

حسين سميان
الرجال دروبها لا يسار ولا يمين
لارست مثل الجبل وان نرقت ترقى الجبال
خابرن لي حاجة مير صارت حاجتين
قطعة منها جنوبك وقطعه من شمال

زيد البناقي
الدروب احيان مجبور تترك ي حسين
والجمل ممايبرك الا على حمولٍ ثقال

هات علمك دام راسي على علمك فطين
لاتحير بين صرف الجنيه من الريال

حسين سميان
لايغرك من يصلي صلاة منافقين
وش يجيبك ياهماج العدود من الزلال
الفتاوي سلعة عند ناس مفتنين
مايجاوب لانشدته وعادته السؤال

زيد البناقي
ماعلم خاف الصدر غير رب العالمين
ولا يحاسب غير ربي عظيمٍ بالجلال

لا تشكك بالذمم واللعن ابليس اللعين
اترك المخلوق للخالق اللي فوق عال

حسين سميان
مايحوس الناس ياكود ملعونن ذهين
يتقي مثل الحصاني مايطلع للطوال
والله اني راس والربع عين وذاك عين
لو ماكان لهم مجال ابعطيهم مجال

زيد البناقي
العرب حطوا الفتن بين مامون اوامين
واشعلوها لين صارت على الاخوه قتال
احفظ حقوقك ولالك بدرب الاخرين
وانت رجال ونعم من صناديد الرجال

حسين سميان
راح صدام العرب يوم عيد المسلمين
وباقبا بشار شيعي ولكن مايزال

كان لك نيه مع الناس تلقى نيتين
ولاتحسب ان كل شاعر يغني لال لال

زيد البناقي
دايم القوه لها دور في الحاله تبين
ومن جهل بن اليمن مافرق طعم الدلال

مايهاب المعركه من ملك جنب متين
ومن يغني لا لا لال ماخفى المعنى محال