محاوره خاصه بين مطرالطرقي واحمد رشيد

مطرالطرقي

انت شاعر ياول اد رشيد شاعر حماسي
!!
ودي اقلعك يم البحر في وسط جده
........
مير ودي معك نلعب بالعب متاوسي
!!
دامها بيني وبينك على ماتوده


احمد رشيد

كيف تقلع جبالن فالبسيطه رواسي......والمثل قال كلن ياولد دون حده

كانها لعب يا الرجال قلنا لاباسي......كل علمن ليا حانا بوقته نرده


مطرالطرقي

كني أشوف رأسك حاكم ن بالرياسي
!!
وانت راسك توالي عاف نوم المخده

.....

اودي أذوقك طعم الحلا وسط كأسي
!!
والجبل عندنا شيء ونقدر نهده



احمد رشيد

طيع شوري قبل لا تصير راسك وراسي......الجمل ماقشره لاصار عضه ببده

الشعر كالذهب وشلون عود نحاسي......انت مثل الجمل والحمل بظهر الشده


مطرالطرقي

لو نطيعك لا والله ماخذينا جناسي
!!
وتالي العمر يقضي بين روحه ورده

انت صح مننا لكن ذا الوقت قاسي
!!
راح وقتك قبل والصيد طيبك تحده


احمد رشيد

جاك مني على ماقيل علمن اساسي.......البحركيف تجهل بين جزره ومده

كان وصلك بذاك الوقت منا عساسي.....الخبل معه مشعاب ولطمه بخده

مطرالطرقي

لا تحسبك من اللي قيل له دبلوماسي
!!
لكن الزين عيا قال لك ماتسده
!!
اول الوقت قالوا مامعك غير فاسي
!!
ولا انا معي سيف ولي معك كم هده


احمد رشيد

كان طاب الولد من قوم ربعي وناسي......ياصحيبي ماتجهل في شيوخ ال اشده

عند ك الصدق يعرف مثل بيض اللباسي......راعي الصدق ماتجهل بعمه وجده


مطرالطرقي

مالنا الا نقوم نصافحك بالخماسي
!!
لنك ابداع شاعربالمواقف نعده