صفحه لشاعر / حامد قرطان الماجدي

حامد قرطان

اخر زمان الشعر صاير سوات الدفوف
ولا الملاعب تعرف عقيل وجمالها
احداً عيونه على ساجي وانا بالهفوف
الكلمة الطيبة يطيب من قالها

مطر ال طرقي

ي حكمه الشرع لا منا حكمنا الضيوف
ياكلمة ٍ قالها قرطان قوالها
واحد ٍ عيونه تشوف ولا ترد الضعوف
خل الملاعيب للي جاته وجالها

حامد قرطان

الضيف في مجلس العراف ماهو وقوف
يالله تستر هل الاحوال بحوالها
الضعف ضعف القدر هذي ترى ماتطوف
واهل المراسيل ماتشفع لمرسالها

مطرالطرقي

لو جيت ون رحت ياحامد بليا حسوف
جيت العرب والنقاش يفصل امثالها
تقطع وخل الشعر امثل ٍ بالسيوف
ريح وسط حلة ٍ ويضفكـ ضلالها

حامد قرطان

ان جيت وان رحت في بالك وعينك تشوف
ام اليتامى تدور كسوت عيالها
حنا نعرف الرجال الي تهاب الظروف
ولا المهبل مفال الله ولا فالها

مطرالطرقي

حنا قنينا الجمل وانته قنيت الخروف
وكل ٍ على قنوته ينقال رجالها
لاعاد تطّر السطر ياكلك كثر الحسوف
مادامني مرتكي تقعد وانا الها

حامد قرطان

ليا مشينا يبين القرم ومن الخيوف
لوا ن سود الليال تبين ليالها
حنا ركبنا الجمل وانته معانا ردوف
انميز خفافها وانميز ثقالها

مطر الطرقي

اليا عطيتوا عطاكم تاليته النكوف
ارقام لك سطرت ماشفت انا ريالها
سلم على قنيص قله شوفنا بالصفوف
عند ابن طرقي تزيد القوم له مالها

صح الله لسانكـ

حامد قر طان

ابن طرقي زعيمن للمواقف والعلوم سمان
وانا أحبة ليا أنة مايحب اهل التدنفاسة
بعد ما غبت غيبة والسفينة مالها ربان
لكن الحين انا شفت الحيا ياحلو نسناسه

مطر طرقي

ابن طرقي على خبرك على خبرك على ماكان
وكل " ياولد قرطان حده يعرف اللباسه
بعد ماغبت لي غيبه مثبتها على السيسان
وبن قرطان حامد حرك المعنا على احساسه

حامد قرطان

انا ماقول فيك قصور والكفة على الميزان
لون الوزن بالميزان والكفات حساسة
لون الله يفكك من فلان فلان وابن فلان
ملكت الدر والياقوت ولا تملك الماسة

مطر ال طرقي

توكل وظبط الوجهه وعييرها على النيشان
وخذ فنجال من كفي بعدها امد لك كاسه
حقيقه جات لك منا ومنا ما احد " غلطان
تشوف ان الذهب يلمع تقول المعدن انحاسه

حامد بن قرطان

عطاك الله مثل مقيل في ثابت ولد حسان
لكن المشكلة بالي ليا شافك نهض راسة
عسى ربي يزينها واكيد ان الكريم معان
ياراع التاكسي الي رزقته يادوب تكساسه

مطر ال طرقي

هذا من فضل ربي مال احد منه وانا سلطان
وصلك العلم يا حامد وراع العلم نبراسه
تجاهر والكسل عيبك كسالا يا اهل السودان
نخبط القاع ونلوطك نسجلها بكراسه

حامد بن قرطان

بعد مابانت الحجة نبي نفتلحك البيبان
على مهد الذهب كلن يبي يكسب حسب فاسة
رفعن الله يابن طرقي عن الصقهان والعميان
وهذي نعمتن تاتي حسب تقديس قداسة

مطر الطرقي

انا خابرك عايش من خزينة در ابن جرشان
ونوب اتعيش من خزنة كسيس ونوب كسكاسه
على قولك رفعك الله وندعي على مابان
تبيها جد ف التاريخ يا مكثثر تكدساسه

حامد قرطان

نبي نرسلك في حاجة ونبيك تروح لدكان
ونبي نقضي لوزمنا وجميع الخلق بخاسة
ياكثر الي يواعدني على الدلة مع الرعيان
احد راعي واحد حارس واحد ريس لحراسة

مطر ال طرقي

نبيها لك كذا تمشي وعندي لك ثنين اخوان
رفعت الصوت يا موتر خرابه بس كنداسه
هروجك فيض وفهمها تحاليها يابن حمدان
عيونك من عما رايك لحقها زايد انعاسه

صح الله لسانك