محاوراتي ف تويتر

‏سلام يالي تنظمون الهناديب
ياهل الوفا والطيب ياهل الجزاله
وحنا عتيبه كالسيوف المعاطيب
نارد حياض الموت ونشيل قاله
⁧#ياسر_العتيبي⁩

ي مرحبا ي اللي تسوق التراحيب
تنساق لك من طيب عمه وخاله
وحنا الجميل اللي على العز والطيب
وكل ٍ على كيفه يحدد مقاله

⁧#مطر_الطرقي⁩
الك البقى والقلب ما داخله ريب
يالي تسوق الطيب جاله مجاله
وكل القبايل ماتضد المواجيب
وكل القبايل من رجال الشكاله
⁧#ياسر_العتيبي⁩

من طيب ذاتك ي حصان الاطلايب
وصلت قرمٍ يطرب اللي عناله

كل القبايل للاوازم محاضيب
وكل ٍ على شفه يطرب حلاله

⁧#مطر_الطرقي⁩
يالطرقي المطنوخ يابن المعاريب
حنا سعوديين وسط العداله
عساك عالقوه يجي لك مجاذيب
ياواحدً مانبغي احدً بداله
⁧#ياسر_العتيبي⁩

ابشر بعزك تطلع الشمس وتغيب
اسوق لك فنجال كب البياله
تبقى ذخر والشعر عنا مناديب
سوا سوا مهبط وحي مع رساله

⁧#مطر_الطرقي⁩
من حولنا يالذيب شفنا اللواهيب
والكنق راسي ياعسى النصر فاله
وحنا سيوفه فالليال المعاصيب
وارواحنا يالقرم صارت فدا له
⁧#ياسر_العتيبي⁩

ياسر صحيبي مان نغش الاصاحيب
والكنق راسي ما نبيها جماله
دامك عتيبي ما ضي ٍ لك تجاريب
كلنا فدا له وانت قمت تهدا له

⁧#مطر_الطرقي⁩
تاريخنا خيمه وحنا مناسيب
عمودها التوحيد خل الخباله
حنا عتيبه متعبين المناجيب
حنا رسمنا الجوهره للجلاله
#ياسر_العتيبي

عصر البدو ولا هلا الفطر الشيب
والبير غطا وختلط به احثاله
قولك سعوديين ما اقول تكذيب
ي معطي الجوهر حصلك عداله
#مطر_الطرقي

‏ياسلام الله سلامٍ يعم الطيبن
من هجوسٍ ملبسه من جواهرت الحلي

والبقاء يامرحبينٍ على سمن وسمبن
قوم طيب وقوم جود ونارٍ تصطلي

⁧#محــمــدالحــبابــي⁩

مرحبا ترحيبة ٍ بك عن اللي حاضرين
ردة ٍترضيكـ وسط المحل المعتلي

بالنيابه قلتها يالحبابي يالفطين
ولا عليكم زود مانجهل المخرج ملي

⁧#مطر_الطرقي⁩

دام عزك يامطر وانت من قوم اليمين
ياعساها درةٍ عامره ماتختلي

مير انا بنشدك ياصاحبي علم الثنين
وش حصل بعدي لهم يوم ميحات الدلي

⁧#محــمــدالحــبابــي⁩

يا محمد لا تَنَشّد فحنا سالمين
دام حظكـ معتلي فالبواقي تكملي

كيف تنشد وانت معروف ضمن الشاهدين
كل لا تكشف خوّاف الزمن هات الطلي

⁧#مطر_الطرقي⁩

لو نشدنا ياعميلي ماحنا خابرين
من بقاء من الربع الادنين حماد وعلي

لو تلين اكبود خلق الله كبدي ماتلين
دام رب الكون واالي ولا غيره ولي

⁧#محــمــدالحــبابــي⁩
ودي اكذب وانت تعرف سلوب العاشقين
العيون مشخصه كل شبً يبتلي

الحبابي تالي الوقت عاد القريتين
خابره بالملتقى مع جهينه مع بلي

⁧#مطر_الطرقي⁩

كان ودي بالصحيح مير عند الله يقين
ليش ماروحت دربك لون دربك خلي

الحبابي خاف تيبس حلوق الشاربين
يوم مرباع الخوي مَ الرياض اليا السلي

⁧#محــمــدالحــبابــي⁩

انت غرد واتركـ اللي وراكـ مغردين
انتبه لاتتبع احسين وحذر من علي

دامنا فالمملكه كل ابونا متابعين
وكل ماطر ديم يتلاه يالصاحب ولي

⁧#مطر_الطرقي⁩

حن نغرد يامطر والخلايق حاصدين
اثر صاحبنا فواده علينا يغتلي

كلبونا في الوطن كلبونا شايفين
انت تحسب كل غيمٍ مزون اتهملي

⁧#محــمــدالحــبابــي⁩
بعدها والله مالومك ياسيد العارفين
انت رجل ٍ داري اهلك. وانا أدرا هلي

الاخوه بيننا يالحبابي ماتشين
من حفظها يترك الهرج يطلع للعِلي

⁧#مطر_الطرقي⁩

‏سلام الله سلامٍ له صفوف وجماهير
على الشعار ينساق وصحاب المعالي

لفينا بعد غيبه نمسيكم على خير
وسقت الطرق سوق الصعيب من الجمالي

#مطر_الطرقي

هلا يامرحبا يامطر جعلت تباشير
من إهجوسٍ ليا من حضر ماهو يمالي

عسى غيبتك خيره وجيتكم معاذير
نبا ننشدك عن ماطر إبقُدم الخيالي

#محــمــدالحــبابــي

يدوم ابك البقا كيف عديت المسافير
كبار الروس وزحول شيخان الرجالي

انا لاغبت ماجيت اعدد فالمشواير
اجي وروح ماقلت يالجوهر تعالي

#مطر_الطرقي

احل المشكله لو تكلفني المعايير
هنا ياصاحبي لو على طرق السوالي

الا ياصاحبي كل رجال عن الغير
تريح منت مثلي على باب الزوالي

#محــمــدالحــبابــي

علامك رغت ماتحرجّكـ بعض المشاهير
اعرفك ي الحبابي تهيض لثقالي

ابيك توضح الليل بنّ آك جبت تقصير
ريالك ما يعادل ترا مربح ريالي

#مطر_الطرقي

انا ماروغ من الحق ياربع التزاوير
انا قول الحقيقه ولا حب الضلالي

ليا جاء وقتك الراقي تعرف المقادير
ريالي يامطر يغني كثار العيالي

#محــمــدالحــبابــي

مزون الوسم تنبت بختري مع نواير
وجنوبكـ كلها قرود يامال الزوالي

تريح بعد ساعه تساق لك التباشير
من ديارك مزونٍ نشت سيقت شمالي

#مطر_الطرقي

مزون الوسم لاجاتكم في حزت إعصير
تغني من طرب يامطر مدري تلالي

يجيك الخير من عندنا يأهل التفاكير
انا قد قلت لك لا تقرب من حلالي

#محــمــدالحــبابــي

صح الله لسانكـــــ

‏سطام ي سطام ملينا الحروف
هاذي حياة البدو خل الباديه

انا ليا مني بغيت اعشق هنوف
مالي ومال اللي تحب اعناديه

⁧#مطر_الطرقي⁩

الله يستر لـآ تجي منها مخطوف
يا وسع صدرك يالنفوس الهاديه
بس انتبه لـآ تروح في يدها خروف
خلك بعيد شبوح قبل الحاديه

⁧#سطام⁩

مثلك ترا رجال ي الصاحب عروف
العج قالوا شغلت الارصاديه

دامك حضرت الليل وشعلمك تطوف
لا صرت شاعر دوّر القصاديه

⁧#مطر_الطرقي⁩
الراس ماعمره شكا حمل الكتوف
دلتك ياميدان اظنها صاديه
حنا نشوف اشياء وكنا مانشوف
شكواك للي ربها بغداديه
⁧#سطام⁩
الراس ما شاله ترا بعض السيوف
ترا الجمل شالك وشال اقراديه

عينكـ على ميدان خليت الصفوف
يا ابو محمد تعرف المتماديه

⁧#مطر_الطرقي⁩
الله يعز اللي نشيله بالكتوف
لـآ تنظر بنفسك وتنسى العاديه
ابو محمد ماهو بجورجا وسوف
مايلعب الكورة ويشتم ناديه
⁧#سطام⁩

عينك على اللي خدها تحته كفوف
تسوا الجواهر والذهب والناديه

العين خسرا والهدب فوقه وقوف
ان طاوعت ماعنكم النشاديه

⁧#مطر_الطرقي⁩
ماني بخاتم واللحن معك معزوف
خلك على اثر الخطوط القاديه
لـآ تتقي والله مافيها حسوف
الوضع سالم والحمامه شاديه
⁧#سطام⁩

اثرك ي سطام صاير فيك نوف
ياريس الشورا تحب ابعاديه

احسبك تاقف كل ما جت لي ظروف
وشلك بدله مالها براديه

⁧#مطر_الطرقي⁩
شفتك تلبها من الخامات صوف
لـآ تلون الخامات خلها ساديه
البرق يبرق والرعد وسط القنوف
في وادي الذئاب شفت مراديه
⁧#سطام⁩

الذيب له هده صعيب انه يحوف
هذا الخبر ما ينسمع بالراديه

اصاحبك لو انت زودت الحلوف
دور على فهاد ابن فهاديه

⁧#مطر_الطرقي⁩
الحج مايقبل بلا سعين وطوف
ونفوسنا في ذنوبها متماديه
وليد بحرن والبحر حسب الظروف
امطر مطر ونعطرك بالكاديه
#سطام

صح الله لسانك

‏الماس ياقروب السعد عندها علوم
محدن درا فيها شويات تدرون
ان كانها تفهم قبل حزة النوم
تبي تصلي مثل ماهم يصلون

⁧#سطام⁩

الماس كنز ٍ در والليل ملزوم
تبي تسير سير ساير ومدهون

كب اللكاعه ضيف والكل محشوم
وليا سريت الربع توحي ويسرون

⁧#مطر_الطرقي⁩
يامرحبا يالمكتفي من ورا الصوم
اكيد عيد الفطر والناس يدون
اللي هقابي شر مايلحقه لوم
واللي هقابي خير يرحب ومليون

⁧#سطام⁩

دام البقا بك وانت تفتكـ لك قوم
دامك لفيت بقاف ناهي ومسجون

انزيد لك مطعوم لا زدت مطعوم
ياللي تسن السيف والسيف مسنون

⁧#مطر_الطرقي⁩
قافن كتبته قبل يومين مفهوم
يابو غنيم العلم ماهوب مدفون
ابعد عن الشبهات لا تكسر الحوم
واصهل صهيل حصان الناس يوحون

⁧#سطام⁩

قاف ٍ تغني به على كل مرحوم
ي ابو سطم نهرج على ماتودون

تامر وتنهى وانت ي فلان مخدوم
وسط الاداره بالمعاني تسوون

⁧#مطر_الطرقي⁩
صديق انا والله مافيه معلوم
اشملت بافكارك على كل مغبون
القاف لـآ جاء منك ماهوب مهدوم
وان كنت ماتوفي عسا منت مديون
⁧#سطام⁩

العب معك واشوف في نومي حلوم
وابيات سيقت لي و بيكم تردون

لاجيت عاني لك تراني بمعزوم
الحيل عندك والعرب ما يشحون

⁧#مطر_الطرقي⁩
انحت صخر واقطف زهر مانبي عوم
واغرف بحر لـآ من نوينا على النون
انا في نادي النصر ياصاحبي هجوم
وانته دفاع الازرق اللي يسموون
⁧#سطام⁩

الله خلق والادمي صح محروم
والشاكر المعطى يفيد وتفيدون

ماعشت بالظنه ترا الظن معدوم
يا ملحق ٍ ردك نقدناك مضمون

⁧#مطر_الطرقي
ياالله عسا منته من الوقت ملطوم
يابن غانم تراك غالي وانا امون
لـآ تحسبني يابن الاجواد معصوم
ماني بسيد رافضه وافهم لحون
#سطام

سطام بيت العز سطام زيزوم
اختامها خل الجماعه يقصون

#مطر_الطرقي

وصح الله لسانكـــ

‏اللي على النيات ماله كرت في هذا الزمن
لقيت خلق الله تسوق اضعونها ونياقها

يا لشاعر المحسوب نصحا لك وتصحا يالفطن
وقت التغافل له عرب تسعى تجيب ارزقها

⁧#مطر_الطرقي⁩
كلً على النيات ياراع الوفاء ضهر وبطن
الخافيه في ثوبها واللي على معلاقها

مادام عينك صاحيه فالكيل من حسب الوزن
والياغفت عينك بيكثر طاقها طرباقها
⁧#الجهلاني⁩
اللي على النيات في هذا الزمان ابينلعن
ياللي تسوقون الظعون الليل شف براقها
واللي مايصحا فالرحا بيصير حب وينطحن
كم غفلة والرزق منها يامطر بفراقها
#النايف

والله مالومك تتبع المرعا مع الوجه الحسن
ي ابو سعد سوق القوافل كان تبقا افراقها

احسبك مخلص مع لحن قافي ومخلص لحن
وثرك همكـ مع هوا ذودك تحلب اشناقها

#مطر_الطرقي
اللوم ساس اللوم وانا وانت سنن جنب سن
نحدا جوانبها وشاردها نعقّل ساقها
لاتخلط الطبخه وتجمعها وسط كيس الفتن
واهل الهوى منطوقها خالف نظام سياقها
#الجهلاني

‏قام شارد يبدع الجزلات ويحد السنوني
مادرا بن الليالي تتعبه. ماكثر حججها

ان لعبنا ما سلمنا والعرب لو ينقدوني
نرجع الكره وميز زود قافي لا فلجها

⁧#مطر_الطرقي⁩
وقام ميدان وتجلى يبدع القاف الجنوني
ماحسب لحساب غيره هرجة لامن هرجها
ان لعبنا يا عمليلي قافنا مثل المزوني
والمثايل والشوارد عدلها يرفى عوجها
⁧#شارد⁩

الفجوج وساع ياشارد ولا تضيق الصحوني
ولا نحد النفس عنّ الخيل هيا وسترجها

المعاني كان راحت راحت بطرخ الردوني
وانت سوق الرجل سقها للمعالي ودرجها

⁧#مطر_الطرقي⁩

مهرتي بنت القوافي ناعسة سود العيوني
يوم بعض الحصن بين ركضها بين عرجها
ضارية وانا عليها فالمناكب والمتموني
ماتضيق اب ها الفجوج وعند خلاقي فرجها
⁧#شارد⁩

اللسان مطيع واعرف ون حكوبكـ ياصلوني
ون غفلنا عن وجودك يالشمالي روح دجها

مايعز الصف غير اللي عرف رطن البطوني
ون حصل ف القول خله يازميل الخير عجها

#مطر_الطرقي

من حكى لك قد حكى بي ماتبي كثرة ظنوني
والشمالي ي الشمالي شافها منك ودمجها
.
منت غافل عن وجودي فالصفوف فالطعوني
ماحصل فالقول خله كنه الشمس ووهجها

#شارد

صح الله لسانكـــ

‏⁧#دولار⁩
⁧#للمحاوره⁩
•
سلام تسليمة/ن تنطق بقول القصيد
و نترك دقاق الشعر ونجيك بجزالها
انا ليا جبت لك معنى اجيبه فريد
وسجيت رجلي بديره مكبر جبالها
•
⁧#ياسر_العتيبي⁩
•
ي مرحبا ي المسلم عن قريب وبعيد
اقولها واردف الجزله بموالها

لا جبت لي من جزال الشعر حنا نزيد
وسوق رجلي على الطالات وسعالها

⁧#مطر_الطرقي⁩
•
الك البقا يالمرحب واستلم من جديد
الحر تعنى له الجزله ويعنالها
اناانشدك يالجميلي جعل عمرك مديد
عن ديرت/ن زاهيه بجبال وتلالها
•
⁧#ياسر_العتيبي⁩

ف قروب شمس القصيد اقول ياسر يفيد
ان جنب الاوله نردف له اعدالها
ليا نشدنا العتيبي جبت علم الاكيد
لون مكه صعيبه يطمر اجبالها

⁧#مطر_الطرقي⁩
•
الديره الي ابيها مثل حبل الوريد
انا وضعت الهدف لاتقطع حبالها
بندقك ياصاحبي زمت وعلمي سديد
عبرودكم يالجميلي زم ماطالها

⁧#ياسر_العتيبي⁩

قبل ترود الديّر مالك لواء ي العقيد
لاتجمع اجدادها وتلملم اسمالها

كانك تعرف الاصاله ليه فيكم عبيد
قدام لا نطول القصه مع اشبالها

⁧#مطر_الطرقي⁩

‏⁧#دولار⁩
⁧#للمحاوره⁩
•
سلام تسليمة/ن تنطق بقول القصيد
و نترك دقاق الشعر ونجيك بجزالها
انا ليا جبت لك معنى اجيبه فريد
وسجيت رجلي بديره مكبر جبالها
•
⁧#ياسر_العتيبي⁩
•
ي مرحبا ي المسلم عن قريب وبعيد
اقولها واردف الجزله بموالها

لا جبت لي من جزال الشعر حنا نزيد
وسوق رجلي على الطالات وسعالها

⁧#مطر_الطرقي⁩
•
الك البقا يالمرحب واستلم من جديد
الحر تعنى له الجزله ويعنالها
اناانشدك يالجميلي جعل عمرك مديد
عن ديرت/ن زاهيه بجبال وتلالها
•
⁧#ياسر_العتيبي⁩

ف قروب شمس القصيد اقول ياسر يفيد
ان جنب الاوله نردف له اعدالها
ليا نشدنا العتيبي جبت علم الاكيد
لون مكه صعيبه يطمر اجبالها

⁧#مطر_الطرقي⁩
•
الديره الي ابيها مثل حبل الوريد
انا وضعت الهدف لاتقطع حبالها
بندقك ياصاحبي زمت وعلمي سديد
عبرودكم يالجميلي زم ماطالها

⁧#ياسر_العتيبي⁩

قبل ترود الديّر مالك لواء ي العقيد
لاتجمع اجدادها وتلملم اسمالها

كانك تعرف الاصاله ليه فيكم عبيد
قدام لا نطول القصه مع اشبالها

⁧#مطر_الطرقي⁩

انا اطق الحديد ومتني مثل الحديد
لا لا تشتت وانا وانته من عيالها
فيصل عتقهم وحنا للوصل يابليد
يومن حذف غترته لنا مع عقالها

⁧#ياسر_العتيبي⁩

الليا كسبت العرب ف العرف خله رصيد
قدام بقعا تلوفك ليه تبرالها

العد صافي زلال ٍ خل عقلك رشيد
سلمان خلاء الذيابه تتبع اجمالها

⁧#مطر_الطرقي⁩

ياصاحبي خذ من لساني لذيذ النشيد
دارت رحانا مع العوجا على اهوالها
والحيد مايستوي ياصاحبي دون حيد
حنا على عهود جداني وعلى فالها
⁧#ياسر_العتيبي⁩

حنا حكمنا البلد ماهو بحكم البريد
يوم الراسايل على رقمك وجوالها

هاذي فعولك ياليتك قلتها لعصيد
وخل القصايد ل اهلها راحت بفالها

⁧#مطر_⁩ الطرقي

وصح الله لسانكــ
•
الحكم عنك بعيد واقرب لضرب الجريد
عنك العنب حامضً مير انت حمالها
منته بمثل السناني وانت منته رشيد
وقعي برد مع وبل لا خيل اخيالها
#ياسر_العتيبي

‏قوم ي بندر نبا نجد العذيه
المعاني طايله والشكـ زايل
لو طلبتكـ ماترد لنا الحذيه
بيننا مافيه لاطيب وجمايل

⁧#مطر_الطرقي⁩

أحتزم وأقطع دروبً جرهديه
ماعليك قصور دام الراس طايل
أطلب الله لاتفكر بالبريه
يرزقك منشي صدوقات المخايل

⁧#بندر⁩ الرشيدي

والنعم بك قايد لكل السريه
مركزك فا الاولي ظمن الاوايل
لاتمشيها على شخصي كذيه
الجبل راسي مانا طعس متهايل

⁧#مطر_الطرقي⁩

ماعليكم زود ياراع المطيه
طيبكم معروف مايبغى دلايل
لاتجازي صاحب الحسنه بسيه
ولاتجيب الزند في روس الفتايل

⁧#بندر⁩ الرشيدي

كيف تجهل يوم اجيلك بالحميه
ي الهلالي فايز و صايل وجايل
ورد العطشا و تبشر بالرعيه
ماعليك من المعاني و الرسايل

⁧#مطر_الطرقي⁩

ماجهلتك عارفن هذي وذيه
والتعصب غير عنصرة القبايل
عدكم ياصاحبي مليان ميّه
مير عافته المطيه والاصايل

⁧#بندر⁩ الرشيدي

عدنا ماتورده نفس ٍ دنيه
ولاسرينا الدرب يابندر دلايل
ولاشربنا من البحر ولا الحويه
ولا شرّب من ميكم غير الحثايل

⁧#مطر_الطرقي⁩

لا اختلط نجدي وعاشر بربريه
جاب له خصله ماتشبهها خصايل
كان داحمت الرجال الصيرميه
فوق قبرك هلهلو حمر النثايل

⁧#بندر⁩ الرشيدي

خابرك جريت قوس السمسميه
والعرب لو تنذرك طحت متمايل
مايغث الكبد ياغير الغبيه
ماتثمن قيلها عند الحلايل

⁧#مطر_الطرقي⁩

انت تعرف قوسها والجاونيه
لاتدورها على عيال الحمايل
الله اكبر يالكفوف الحاتميه
كم عطيتينا على شتى الوسايل

⁧#بندر⁩ الرشيدي

لا حرثت النار شوطي يالشويه
تضحكـ الثرمان ياعنّكـ الهوايل
رووح للخرطوم لاتعمل قضيه
وط حملك لا تهوش ولا تحايل

⁧#مطر_الطرقي⁩
ليلتك ياصاحبي جت سرمديه
عندنا دلالن تبي بعض العمايل
ياوجودي كل ماجينا طميه
شفت من يلعب بمنقوض الجدايل
#بندر الرشيدي

‏لو كنت في بدع الطواريق ميدان
ماكان هالحزة سكوتك
مبديه
شفي على الشرد وعذبات الالحان
شف العديم اللي زمانه معادية

⁧#شارد⁩

صحيح قولكـ وانت شرّدت الاذهان
الجزل مات وعنكـ ماني معديه
حطيت لي ديوان ورضيت ديوان
وسمكـ نشوفه شوف حظكـ مقديه

⁧#مطر_الطرقي⁩

الجزل حي ولا يواريه نقصان
وانا انا اللي ثابتات ن مباديه
ماشفت لك في ساحة الشعر عنوان
واسمي يشيلينه كتوفي وراضيه

⁧#شارد⁩

الخير مقبل هب ياسرع الانسان
نقصت حرف القاف علمكـ تخليه
الهرج يقبل دام للهرج نيشان
وشارد يمنيني ولا اني امنيه
⁧#مطر_الطرقي⁩
للنقص زود وللمهمات هيمان
وللخير خير وبينات ن مواريه
اضرب على الكايد لياصرت بحلان
بيت ن قديم و واضحاتن معانيه

⁧#شارد⁩

هذا علێ قولك ولا انته بغلطان
نحمي لك الميقاف لو شان راعيه
عيب علێ اللي يتقي عقب مابان
شطر ِ حفظته كان شرواك ناسيه

⁧#مطر_الطرقي⁩
ماينسى بيت ن من الشعر بركان
يبقى علم حتى ولو مات راعيه
هذا اللذي قد شرد الذهن يفلان
مدري معاك القاه والا حواليه

⁧#شارد⁩

الله لا يسقي عدود ٍ لشيخان
قليب لبن غنيم بيتكـ نجاريه
حنا لنا فزعه معكـ يوم الاخوان
نذير منا لجل شمر نسريه

⁧#مطر_الطرقي⁩

صادق وهرجك مايبي زود برهان
ونذيركم يا صاح شاعت مساعيه
ماينكر المعروف رجل ن وله شان
العلم نبت ونبع الايام يرويه

⁧#شارد⁩

تسلم اعزومك ياسلايل كحيلان
بيت الغنا والعز يكرم عوانيه
ماجيت اجالس مجلس ٍ لبن حمدان
اعطيك علم القاف حذرا تسريه

⁧#مطر_الطرقي⁩
والنعم يا ي ميدان في راس مابان
والنايف اللي تتبع النعم رجليه
شروى عميلي محزم الجنب وحصان
والقاف قافك واختمه يا معاليه

⁧#شارد⁩

حلفت ماجاز الوفا غير ب حسان
ونرفا الخوي اللي بعاد ٍ هقاويه
لوكنت انا السلطان من تحت سلطان
سلطان قافكـ ماتناسا معانيه

#مطر_الطرقي

وصح الله لسسانكــ ويعطيكـ العافيه ....

‏سلام مني لكم ياقروبنا السامي
وبعد السلام النوايا فيك مصيونه
صباحكم شطحتن من قلب سطامي
يزفها بالمزوح ويطرق لحونه

⁧#سطام_محمد⁩

ي مرحبا فيك جيتك سقت القدامي
عن قصرت الرجل جيت اخطاي موزونه
وصباحك احلێ صباح وفاق الارقامي
وكل تقديه ف الطرقه ترا عيونه

⁧#مطر_الطرقي⁩

وبك البقا يامطر والعمر مادامي
حبيت اعبر من اللي شيّد حصونه
الله يعز الملك ويعز الاسلامي
وكل البضايع تجي بالكيس كرتونه

⁧#سطام_محمد⁩

ابدعت واقوم وبصم لك بالابهامي
مادامكـ بنية ٍ ماجات مقرونه
الله يعز الملك والعز له دامي
واكره طبوع الحيايا دوم ملسونه

⁧#مطر_الطرقي⁩

اركان الاسلام خمسه فيهن صيامي
الله يثبتك يالطرقي على ركونه
ناسن تعبد البقر وتعبد الاصنامي
انشهد انها صراحه صدق مجنونه

⁧#سطام_محمد⁩

تدري بٲن الضحيه راح صدامي
ومن بعدها شفت غدر الوقت له بونه
اشوف لا شفت يا سطام الاثامي
ناس تصيد الحرار بفخ سمونه

⁧#مطر_الطرقي⁩

هيهات ياوقتنا اللي هب الانسامي
نقول زينه واثرها جابت صخونه
دامك تخرجت من دورات الايامي
من يقضي ديونها تقضي له ديونه

⁧#سطام_محمد⁩

المزن مردم ونوضه بارقه شامي
والمزن غطا السماء غيمه ودندونه
تبْيِعة الحلم سمت غوشها احلامي
لفتت سكن بالبلاش بيوت مسكونه

⁧#مطر_الطرقي⁩

يابعيرنا اللي ربطك الوقت بخطامي
لك بكرتن مع حلال القوم مزيونه
غرزت ام الحواره قبل الافطامي
يامطر اظنها ماتت ومبطونه

⁧#سطام_محمد⁩

هملت ذودك علامك وانت عزامي
قلبت بشتكـ وبشتك زادت اخبونه
الوقت يرضيك ياسطام ياغلامي
اهب ماقشر طبوعك دوم بك خونه

⁧#مطر_الطرقي⁩

انا ماصلي معك لا صرت الامامي
تسجد سجودالسهو والناس ينسونه
لا يبيح سدك ترا سطام لطامي
خلك على هقوتك ماخابت ظنونه

⁧#سطام_محمد⁩

مارضاك طينك تحطه دوم قدامي
سطام عكض حجاجه وآضّحك سنونه
رسمت لك رسمت ٍ من فن رسامي
واشوف كبدك على شرواي مغبونه

⁧#مطر_الطرقي⁩

ماني بقاضي وانا ماني لك محامي
جيبك قضيتك وخطامه دركسونه
شريت لك ثوب وشماغين بسامي
للعيد والعيد توه تونا دونه

⁧#سطام_محمد⁩

عود على اصلك عبيد ونص خدامي
و كل ٍ علێ اصله ونسله ينطبق لونه
تكتب وتبهت وخطك بن مرسامي
ابليس عكاك ووريعك يعكونه

⁧#مطر_الطرقي⁩

الاصل معروف ماحافته الالغامي
محدن من الناس يالطرقي يذمونه
كلن على معدنه ينطق بالاسامي
ذا حد عرفك لو يحدث تليفونه

⁧#سطام_محمد⁩

امكوبج ٍ عند روحكـ ليث ظرغامي
ارفل و بيتكـ عوج خيطه تشكونه
سلم علێ الهاجري سلطان و سامي
يعلمك درس ٍ حرما ّ ما تناسونه

⁧#مطر_الطرقي⁩

سلطان عطاك علمه بين الاقلامي
كرهتني سبته ياشوق ليمونه
ابك انت ضايع مابين جهيم وجهامي
والله ماتسوى دخانه وغليونه

⁧#سطام_محمد⁩

ماانت الفطين الهواجر صلب لعمامي
نسل الخلاوي سبيع العلم يروونه
الحر يوعد و يخلف لاشلع حامي
وشلون تشرون تاريخ وتبيعونه

⁧#مطر_الطرقي⁩
يشرا وينباع عندك دامك هتامي
اللي معرب مايبيعونه ويشرونه
خلك عن سبيع جنبها ماتنلامي
جحارتك ليتها يابيه مدفونه

⁧#سطام_محمد⁩

تقطّع شراب ٍ ماشفته يروي الظامي
يامخظب ٍ مقعدك وشبه تحنونه
الخبل لامن هجد اللجمه بلجامي
سطام شاعر يكفي لو تدزونه

⁧#مطر_الطرقي⁩
على مواخرك تفخر كنها وسامي
ياطير ريشتك ذي خلقه ومدهونه
مليت بنكك وطيرك مابعد حامي
تقعد على الوكر وسبوقك يجرونه
سطام_محمد

اتسري القاف تحرجنا بالا انامي
ياداب جحرالخباره لو يسمونه

#مطر_الطرقي

وصح الله لسانكـ

‏يالطرقي الميقاف ثابت ولازال
لاكان عايد ماعطانا الجوابي
عايد ترا شاعر وصقار رجال
كل الصفات الطيبه ي الشبابي

#سعده

سعده تروح ليال و تضوي ليال
و عايد كريم ولكـ معزة جنابي
والنعم به ورتاح لاجيب موال
سعده من الموال لا وعذابي

#مطر_الطرقي

هاضت وخابت يامطر ياولد ال
سعده ترص البيت والورع شابي
كان التغطرس يالفتى كلها حال
مدري وش الي تاكله والشرابي

#سعده

النخله اللي عذقها بالسماء طال
تحت الجبل والرجم ينشاف نابي
دام الحيايا والعقارب لها اذيال
يالحيه اللي سماها وسط نابي

#مطر_الطرقي

هاگ قضيه والقضيه من اليال
محفوضتن عندي ولاحدن درابي
كان العوازم يالعوازم علي جال
وعايد يحك الراس بضفر ترابي

#سعده

دام الرسايل جابها رقم جوال
لو راحت الصيده خذاها العقابي
ياعين خشف ٍ ذيره راقي الجال
هب الهواء طرق الهواء طق بابي

#مطر_الطرقي

يابوك مايجهلك ياكووود جهْال
طرق الجهل ظاري ودربه شهابي
كان الحلا من دونها لبست الشال
يمكن يحضر ابليس بعد الغيابي

#سعده

حبكـ سراب ودونه سهول وتلال
لمومك على حلمك وحلمك منابي
سعده من العيرات والشعر من وال
غزت برمح ٍ للمطنا ذيابي

#مطر_الطرقي

عسى الله المعبود يصلح لك البال
وتصير يالطرقي بنظم الكتابي
اما تصون العب ياعم ياخال
ولاترًيح وازهمو لل حبابي

#سعده

لك في ضميري عز والاسم تمثال
وانتي زهابي كيف انثر زهابي
ماني على بعض المعاريف عيال
مطر حكم قافكـ خذا منكـ جابي

#مطر_الطرقي

والله يالطرقي ترى البال يختال
وانت البلا منك تجيب الخرابي
ياعنگ لو تدبي ترا منت خًيال
حتيش لو انگ تعد الترابي

#سعده

ياسلعة الدالال. ماعدت ريال
من لا حسبني حسبته بالحسابي
نقلط على الحشمه وصفرٍ لنا دلال
من دونهن عمر النشاما ذهابي

#مطر_الطرقي

( لو كل مايطري علي البال ينقال )
اقولها قدام بالي طرابي
سعده ترا بنت الرجل طيب الفال
ولانت يالشاعر تقوم وتهابي

#سعده

انتي هدب عيني وانا شماغ وعقال
ويش الملا لو ماسترنه ثيابي
طبعكـ غريب بوجنتك حبة الخال
نمل ٍ على جلدك دبت به دوابي

#مطر_الطرقي

صح الله لسانكـ وابدانكـ

‏سطام هات المعاني وخذ لك جابه
من صاحبكـ والمعاني علم راعيها
ليا عرفتك رصيد البنكـ لحسابه
الخير قطره بدايتها وتليها

⁧#مطر_الطرقي⁩

يامرحبا بشاعرن يفتلي اشنابه
مدري هو يجيبها والا يوديها
واهلاً هـــلآ يامطر والعلم تبدابه
وان زانت الله هو اللي لك يسويها

⁧#سطام⁩

دام البقا مير اشوف النار شبابه
عسى المطافي تلاحق لك تطفيها
الحنظله مرة ٍ لو سالت اشعابه
ونفوس نبدي لها ونفوس تخفيها

⁧#مطر_الطرقي⁩
ياصاحبي مالنا في جوها طلابه
العلم سلطان وش عندك ومن فيها
اخذت لك حومتن من فوق مرقابه
والحنظله خافيه وابعد هقاويها

⁧#سطام⁩

العود عندي عسى الله يفتح ابوابه
اتعلي المساله لازم توطيها
ندر حرار ٍ ومخلابي و مخلابه
متقاسمين الدلو ومسكـ عراقيها

⁧#مطر_الطرقي⁩
الوقت يرفع على اهل الطيب مشعابه
والا الرديين معطيها ومغنيها
قلي عساها سهود مهود بكتابه
متى تهل السحايب وبل صافيها

⁧#مطر_الطرقي⁩

الوقت تلهوة ٍ نبقى انتلاهابه
ومزارق الطيب ناخذها ونعطيها
ان جار وقت الصحيب يجار بصحابه
والغاليه مانتغالها ل غاليها

⁧#مطر_الطرقي⁩

ارزاقنا اليوم صارت فرس ونهابه
ونفوسنا عزاز ماتشحذ حراميها
ياشيوخنا اللي تشد البيت واطنابه
ترا الشجاعه بلانا من بلاويها

⁧#سطام⁩

توك شبابي يغشه كثرت اعتابه
الطيبه زايده من طيبة ابيها
الفعل منتوج ويعود على اعرابه
عدل صلاتك تمعنها وصليها

⁧#مطر_الطرقي⁩
يارب رحمتك يوم الحشر وحسابه
والعمر لو طال يقصر من دوانيها
الله على اللي يهيض القلب بعتابه
يشوي معاليقها وياكل كلاويها
⁧#سطام⁩

‏سرتبي الافكار في تالي الليل
تعرض عليه فلم من ذكرياتي
شين يفرح مهجة القلب بلحيل
وشين ياليتة ماحصل في حياتي
⁧#عواض⁩ المهيا

عواض هات اللي حصل معك تفصيل
حتئ نعرف اللي مع الوقت ياتي
العلم يوخذ من كبار الرجاجيل
ولا التغزل بالمها والمهاتي

⁧#مطر_الطرقي⁩

مخفيه عن كلمت هلل القال والقيل
والصبر دايم يالسنافي صفاتي
والعلم من دونه صدورٍ مقافيل
من خوف يطلع للعدو. الشماتي

⁧#عواض_المهيا⁩

من بعد شفت العلم شفت المراسيل
توافدت لك من عموم الجهاتي
والله يجيب السيل لا تقطع السيل
من شان ندعي لك يامال الغناتي

⁧#مطر_الطرقي⁩
العلم يبغاله طريقه واتحليل
ماتحلله حتى كبار القضاتي
والرزق عند اللي ينش المخاييل

ودعوتك واخراها الوقت الصلاتي
⁧#عواض_المهيا⁩
علك جمعت الخيل والجيش والفيل
ليتك تفهم يالمهيا حكاتي
اعرفك ياعواض نظره وتكحيل
و عينك تشوف وتعترض ل ارماتي

⁧#مطر_الطرقي⁩

اتنه علامك صرت في مدك اب خيل
افهم واعرف العلم من قلب تاتي
ياسايق الدله وارى مابها هيل
انصحك لا يضربك رمح الزناتي
⁧#عواض_المهيا⁩

ولع شموعك بالفرح والغناديل
الله يبارك فيك قبل الفواتي
امدلك فنجال عز الفناجيل
من ذاق مدك قلت مدي لذاتي

⁧#مطر_الطرقي⁩

مانته بلاقي يالسنافي مداخيل
حنا ترانا مطوعين العصاتي
ماجاء مع الفنجال زين التعالليل
لكن واض واصل قبل لمماتي
⁧#عواض_المهيا⁩

ماتنقص حقوق الشعر لدواليل
ولا تنقص الجزله رعات " حفاتي
منشن وخل وخل عنك المحابيل
مثبته لك ياولد بالقناتي

⁧#مطر_الطرقي⁩

مايكسب الجزله قليل المحاصيل
ياكود من يارد لنهر الفراتي
ان كان ماجتنا كما سبق الخيل
والا نغطيها اب كم. العباتي
⁧#عواض_المهيا⁩

ما جيت ابمدح لك معا ني بتجميل
الشعر معنا والسوالف رواتي
لا راجي " فودك وحط المعاديل
والسوق مغنم والبضايع غلاتي

⁧#مطر_الطرقي⁩

حنا ان تعامل مع رجالٍ حلاحيل
وان طعتني يالقرم فحفض وصاتي
ماني بحالس في مجالس مهابيل
اختار عنهم فالصحاري مباتي
⁧#عواض_المهيا⁩

ما اقول خلف اقول قدمك مشاكيل
من قام سوا ما تذكر سواتي

#مطر_الطرقي

صح الله لسانك وصح الله ابدانك