صفحة للشاعر فهيد بن مدالله البناقي

فهيد البناقي

سلام تسليم البيوت اللي على الطرق الجد يد

هيا معي للملعبه و الليل بعده ما سرا

انا ابي وانته تبي والله يفعل مايريد

واللي بدى ماترعبه والليل بعده ماسرا

مطرالطرقي

يا مرحبا بك يا هلا تفيد و حنا نستفيد
/
اصرف و خل الطبطبه و الليل بعده ما سرا

بدري على الميدان يارجال لو أنك عنيد
/
يا فهيد لف الكهربه والليل بعده ما سرا

فهيد البنا قي

انا عنيد الملعبه دام البقا لاهل القصيد
اما بعيرك واشعبه والليل بعده ماسرا

انشدك انا نشده عن اللي لانظرته من بعيد
عن الظمى ماتشربه والليل بعده ما سرا

مطر الطر قي

انته لوأنك شاعرالشعار منته بالوحيد
/
من لاحسبني ماأحسبة والليل بعده ماسرا

حنا نعرفك شيخ يا رجال ماعندك عبيد
/
و العلم خله وكتبه و الليل بعده ماسرا

فهيد البنا قي

در القوافي يملكه من بالقصايد له رصيد
منهو غشيم ندربه والليل بعده ماسرى

سجل اعجابي وانتهت الك التحيه يالعميد
جميع طرق ونلعبه والليل بعده ماسرى

مطرالطرقي

و حنا نبي ننشدك كانك تعرف إل طبخ العصيد
/
ياقوم مانتم مذهبه و الليل بعده ماسرا

صح الله لسانك

فهيد البناقي

سلام الله سلام الله على الشعار وحضوره
عدد ماتسري القمرى وزار البيت زواره
تحيزم يامطر والشعر ماله غير دكتوره
نعرفك يامطر سواق تعرف تمسك الطاره

مطرالطرقي

هلا بك مرحبا يا شاعر ن في دار اخو نوره

هلا بك مرحبا بك شاعر من فوق طياره

على كيفي بلا شده ديار الشرق مخبوره
-
بخصنا الباطن المنعور ونجهل قاع جراره

فهيد البناقي

انا وياك تحت الرايه اللي دوم مشهوره
انا اشهد لك شهاده حق قلت الحق واسراره

نبي ندخل على الموضوع ودار العود معموره
ترى المعنى لفا مدفون ويلزمكم ترى اظهاره

مطر الطرقي

رضينا بالله المعبود و داعش جند معتوره
/
كشفنا اكثر سرايرهم بملح الزاد وبهاره

تحية للعلم شرواك له هيبه ودستوره
-
اذا ودك نروح البحر جده الناس بحاره

فهيد ال بناقي

جنود اللي ذكرته داعش الملعون مقهوره
هذولا زمرت الشيطان اضعاف ودوم غداره

مطرله حشمه وتقدير ونفسه دوم مسروره
وانا معجب وسجلها وبان الفام مشواره

مطرالطرقي

ما أبيك تبرر أبيوتي بيوت الشعر مستوره
/
وبالك لا تطيع النفس لأن النفس وماره


صح الله لسانك

فهيد ال بنا قي

يامرحبا ترحيبتن من شاعرن في الملعبه
وين اللعيب يلعب معه والذيب ماهرول عبث
انا هنا في الملعبه راع البعير لاتشعبه
حيا الفصول الاربعه والذيب ماهرول عبث

بدر ال مخيمر

وبك البقا ياشاعرن صوت المغني يطربه
ياضايق ارحب للسعه
والذيب ماهرول عبث

خلك علا ماقيل حبلك
مرتخي لا تكربه
حب نثرته نجمعه
والذيب ماهرول عبث

فهيد

شد الحزام اللي معك والشعر يعرف موهبه
واللي هرج مانسمعه والذيب ماهرول عبث

اخذ العلوم الطيبه مالك ومال المتعبه
وشعارنا متجمعه والذيب ماهرول عبث

بدر

بعيرك اللي كل
يوم للاوادم تجلبه
اعرج ولابه منفعه
والذيب ماهرول عبث

ياشعيل لامنك بركت الحمل شيله واسربه
ياويل ويلك تجدعه
والذيب ماهرول عبث

فهيد

الاعرج اللي تذكره مثلك ترى من يرغبه
وادري تراك تطبعه والذيب ماهرول عبث

اما الجمل لامن برك قدمه جمل ويقصبه
واللي غشيم نقبعه والذيب ماهرول عبث

بدر

وين انت ياالكداد بين
العاذريه وتربه برسلك صوب المجمعه
والذيب ماهرول عبث

ياصاحبي ماابغيك تزعل واطلب اللي تطلبه
وافطن تضيع بمعمعه والذيب ماهرول عبث

فهيـد البنـاقـي ــــــ. .. كداد واكد الشعر والطرق دوم ادلبه
واللي رميته نرمعه والذيب ماهرول عبث.ــ واللي يضيع ورى البحر يابدر حولك واقضبه
الله يسلم مدمعه والذيب ماهرول عبث
بـدر مخيـمر. .. من ضاع عن دربه جعل سحم الضواري تلهيه
ضايع وربي ضيعه والذيب ماهرول عبث. . .مرسولي اللي جاب لك علم الحيا لا تكذبه
اسمعه وافهمه وطعه والذيب ماهرول عبث

صحت اللالسن

فهيد البنا قي

انا اليوم ناوي لي على نيتن قشرى
ابى اكشف خفا من قال انا شاعر وقصاد

ابيها تروح علوم تبقى لها ذكرى
نبيها تسيل القاع من نو رعاد

مطرالطرقي

يجي لك زمان ن تفصفق يمين باليسرى
على ما تبي يالرواي اللي لفا وراد

تبيها تروح علوم لاكن ما يدرا
ياغير الحشيم اللي رما رمية ن ماصاد

فهيد البناقي

ترا السوق به يا صاحبي بيعه ومشرا
وطبيت سوقه فالك اقشر من الميعاد

ترى السوق به سودا وحمرا مع الصفرا
تاكد ترى سوقه به اليوم من نقاد

مطرالطرقي

على قد راس المال بنوفي العشرا
الا يالشمالي بالجزيره تجي من غاد

صحيح البدن يشتال يا فهيد ما يطرا
ما دام الحياة اجهاد تبقى حياة جهاد

صح الله لسسسسسسانگ