صفحه خاصه للشاعر/ احمد القرينا العنتري

صفحة الشاعر احمد القرينا العنتري

احمدالقرينا/
من بعد ضاعت علوم الناس عدة سنين
يابومشاري رجع للناس معدالها
يالله عسى اصحابنا ياصاحبي فالحين
وان مافلحوا لابو البندق ونقالها

مخلد/
يالله لك الحمد والدنيا تشين وتزين
.. والقافلة ماتغير وضع منزالها
تو الطريق ابتدا مع رحلة الغانمين
ولاتغير كرام الناس وافعالها

احمدالقرينا/
العلم غاض الكبود ووقظ النايمين
ماعاد ينفع هل الطبلة وطبالها من يبذل الجهد ياصل وانت رجل ذهين "" الله على باقي الايام وليالها

مخلد/
وش مزعل الناس لو اخذت حق ويقين
.. الغيظ فيها وفال الله ولافالها
العلم الاول لفا يمي وباكر يبين
لو كان ماعلمتك الناس باحوالها


احمد القرينا

انا معك مير وضع الناس ماهو بزين "" السيل غطى ديار القوم وجبالها """" راحت تشكى يابومشاري تجر الونين "" وعقالها ولعت بافكار جهالها

مخلد خلف

الحل واحد حسب ماشوف ما هو ثنين..
ماشفت من وحد الكلمة ومن قالها؟
الوضع مزمن ونحتاج الطبيب الفطين
..
يجمع خفاف العرب ويعالج ثقالها

احمد القرينا

ياقايد القافلة ماعاد عذرك سمين "" اللي نوى الطايلة لابد يسعى لها "" اما ادحم القوم في ضلعن قوين متين "" والا تريح وخل الناس في حالها

مخلد خلف
وقفت في سابق ايامي بسيف= سنين
.. يوم انها كبرت القالات واهوالها


ماني معلمك وانته سيد العارفين
اليابغينا الفرايس ناخذ جزالها



احمد القرينا

مادام ابوفايز دعاني وانا اقول " مد النظر ياصاحبي لاتنامي "" مانته بمجهول ولا انا بمجهول " وان كان شفتك قلتلك ياسلامي

مطرالطرقي

ونعم ياللي قام لبلى على طول
رجل ء ويحسب للرجال اهتمامي

بعض الرجال ازوال والاخر اعقول
!
والكامل الله كمله بالتمامي