صفحه خاصه بالشاعر سعد عويد ال مصيبيح

الشاعر سعد عويد..
الليله الليله الشعر وطواريقه
ماتارد الا على هداج الافكاري
من ياخذ العلم مني قبل توثيقه
مدام جو القصايد ليلها سـاري
الشاعر سعيد..
من فكر راع الذهب والماس وبريقـه
اقدم على الي تبي يالشاعر النـاري
من بحر فكري هلا والفين تغريقـه
تكفيك طول العمر لو كنت بحـاري
الشاعر سعد عويد..
تعال ابفطّرك لحسة وترويقـه
واعطيك درس يحيّر حيرة الـقاري
وان كان ياصاح ماتقوى على الضيقة
جنب دروب البواخروإركب القـاري

الشاعر سعيد سعود..
فطورك الي تبي موجود تحقيقـة
والنور يفضح سواد الليـل يـاداري...
مثلي معك ياسعد ماقد نشف ريقـة
بعض الرجاجيل ملبس والفكر عـاري..
الشاعر سعدعويد..
ماشفت علم وخبر والشاي ببريقه
اروح منـ دار وأعوّد على داري
خابرك شاعر لكن احيان توهيقه
لوتلبس البشت يذري تحتك الذاري
الشاعر سعيد سعـود...
اكبر طموحك معي ضحكة وتعليقـة
واكبر طموحي فكرتفخر به اشعـاري
ياصاحبي خابرك نتعه وتعشيقـة
لكـن ابعلمـك مانـي ترا زاري

سعد عويد

لاضاق صدر الهم سير وجاني
العب على الطاروق يااحمد وانا اخوك
نبي نميلها على ليل داني
دام العرب ياصاحب الحرف نادوك

احمد القرينا

الليل مظلم وانت يالهرمزاني ' تبي تقود القوم لكان طاعوك ، لكن راح الوقت والعمر فاني ' يامحتري لك عالمن ماتحروك

سعد عويد

يالعنتري وش يجمع الصيلباني
لاروحوا يم المنادي وخلوك
شدوا على اللي مالهجها الحصاني
خضراء تطمر بالحداجة عن الشوك

احمد القرينا

لاتذكر العالم بهاك الزماني " واللي مضى ياصاحبي دوم متروك

خلك على الحاضر وشد السواني

ودرب المعالي يابن الاجواد مدروك

سعد عويد
ان كان ماخضبت حد اليماني
العلم الاول ماانت ماخذ به صكوك
تبي الصحيح اللي عليه البياني
لاتسلك الدرب الوعر كان حدوك

احمد القرينا
سعد عويد ياجماعة يعاني '" واصبح يهوجس بين تارك ومتروك "" شد الحزام وخل عنك الهواني "" وخلك كما طير السعد يوم هدوك

سعد عويد
عجزت لاالقى ياصحيبي بياني
الدرب لوحاولت به دوم مصكوك
ودي بها مير الله المستعاني
اكفخ واشوف العز من دونه اشبوك


احمد القرينا
حاول وحاول ياعريب المجاني " والدرب من قدمك ليانويت مفكوك ' واعرف ترى الطيب وسيع البطاني "" لاتلحقه شكة ولا هو بمشكوك