محاوره بين سعيد سعود المحطب و& مخلد خلف الغنيم

سعيد سعود المحطب


محاوره بين سعيد سعود & ومخلد خلف


سعيد سعود


اشوف المخ لد لمخلد وعيني تناظر فوق
علشان الشعر والفكر دام الملعبة حيه
نبي ندمح خطأ المخطي ونمسح عبرت المخنوق
سلوم اجدادنا تبقى لكن النية النية

مخلد خلف
الا باللي تعلت نظرتك يم السما برفوق
انا ابسري معك لامن خلصت من العزيزية
الا ياصعب تبرير الخبر لامن غدا ماثوق
والاصعب لو تعجل بالقرارات المصيرية

سعيد سعود

تغير خيول من يم الجنوب وتعتزي بالبوق
لكن الشرع حكمه يقطع يدين الحرامية
تحيزم وانت تدري ياعميلي ويش وسم النوق
على ضو الكلام تموت بنت الفعل بالفية

مخلد خلف

الا شفنا القوي الفذ ماياقف مع المسروق
نبي نلغي دروس= في مناهجنا الدراسية
اعرف ان الذهايب والوهايب بينهن افروق
لكن المشكلة لو صارت الدعوى سياسية

سعيد سعود

نشوف الفذ صار اليوم مايسمع ولاله ذوق
موانيه الغزيره عودت بالحكي سطحيه
ذهب منها الذهب مدري لحقها بفعلهم ملحوق
ليا صارت سياسة هات بالافكار مرثية

مخلد خلف

ترى والله مانعلم من السابق من المسبوق..
قضية ماقضت لو هي بطولتنا محلية
الا يالفكر وانت المجتهد في مجمل الطاروق
اشوف ان اليمن ماهي على غير اليمانية

سعيد سعود

تقوله وانت تدري بان قرص الارملة محروق
ماهي من باب صدفة بالتعابير الخيالية
صنع عدن اليمن رجلٍ سرق مايحفظ الصندوق
لكن أكبر طموحه بالشعر كلمه وقافيه

مخلد خلف

على اللي في قياسه جاهل .ن.ماكل ثوب يلوق
ولو انه تباهى بالقماشات الحريرية
الا ياصاحبي كل المعادن تنعرض بالسوق
وتعرف خبرة الصايغ ذهبها والنحاسية

سعيد سعود


صحيح الجاهل يعلم ويبقى للعلوم حقوق
علشان التفاصيل المهمة والقضائية
تخايل في سماء نجد العريضة لك رعد وبروق
لكن الوقت يفرق بين وسم وبين صيفية

مخلد خلف

ترى الشرهة على اللي واقف= في بابه المغلوق
ترى المفروض مايسمح لتمرير الحونشية

انا ماني مدور كلمة المختل والمطفوق ..
ولو ننبش لقينا بالرماد الجمرةالحية

سعيد سعود

عطيتك فلسفة سقراط واترك عنك برق وروق
على هامش سراب القيض والافكار حصرية
تخطينا المعارك وانت تدري جعل مالك عوق
نعزي من هلك والمعركة ماهي عدائيه

مخلد خلف

وانا ماني بلجنة شاعر المليون بدر صفوق
ولا اجهل فلسفة شاعر له ايحاءات رمزية