*محاوره بين الشاعرين فواز البريك * وعافت سعد *

من طرف مطرالطرقي الثلاثاء يناير 07, 2014 7:51 am

محاوره بين الشاعرين الشاعر فواز البريك . والشاعر عافت سعد

فواز البريك

نبا الشاعر اللي كل ماجا عليه الدور
تدور المعاني حول راسه 100دوره

على شان مانكذب على الناس والجمهور
نبي نطلع الوجه المخفى لجمهوره

عافت سعد
تخير من الشعار واحد بدون قصور
ترا كل شاعر حسب جهده و مقدوره

نبي نكشف الصاحي من اللي عيونه عور
و نكتب له الوصفه و تقرير دكتوره

فواز البريك

هلا بالحضور اللي خذا عن هذاك حضور
عقب ماخذا الكوره ولا شات بالكوره
وحنا على من راغ عنا وساع صدور
على الله على الله والسواليف محظوره

عافت سعد

يدوم البقى و الشعر يالشاعر المشهور
يقوم على بعض العرب عندكم ثوره

نشوف القمر وسط السماء ساطع بالنور
نبي ننقل الاحداث بالصوت و الصوره

فواز البريك

سبحنا على الشاطي وعمق البحر مخبور
عقب مابغيت اسبح على سيل منجوره
لكن من يبي يعرب لي الفاعل المجرور
من استاذي الفاضل وياستاذتي نوره

عافت سعد

سبحنا و جبنا الدر من تحت سبع بحور
و لا هو علينا صعب و الا به خطوره

ترا الناس ما تدري عن الواقع المستور
و انا انهاك يا فواز لا تكشف العوره

محاوره بين الشاعرين فواز البريك وعافت سعد *

محاوره بين الشاعرين فواز البريك وعافت سعد *