محاوره بين الشاعرين الشاعر الاديب مخلد خلف والشاعر المخضرم فهد سويلم

@@ الأديب / مخلد الخلف @@

من هاجس.ن. ماخفا يامرحبا بالجميع..
ترحيبة.ن. قدرها من قدر سماعها.
نبي علوم تسر بقدر مانستطيع..
كلمة مخضرم سمعناها وهو ذاعها.


@@ المخضرم / فهد السويلم @@

فيك البقاء يالمرحب عد نبت الربيع..
وأهل المراميع ترمع حسب مرماعها.

ترى السوالف كثيرة والمحطة تذيع..
والشمس لابد تغرب عقب مطلاعها.


@@ الأديب / مخلد الخلف @@

الوضع تال الزمن يحتاج صدرٍ وسيع..
يوم العرب في بحرها فلت شراعها.

يامحكم الراي والراية ترى ماتضيع..
بعض العقول يتبين كثرة اطماعها.


@@ المخضرم / فهد السويلم @@

حث الخطى بالمسير وخل مشيك سريع..
والعالم الكاذبة ترجع على أوضاعها.

إرفع يدينك ترى ربك مجيب وسميع..
ماني مدور علومٍ ضاعت أسناعها.


@@ الأديب / مخلد الخلف @@

العلم سجل مع العالم بشكلٍ فضيع..
والعالم الكاذبة يا مااكثر اتباعها.

بالسوق ياصاحبي تشري واظنك تبيع ..
الناس في هالبلد ياماكثر انواعها.


@@ المخضرم / فهد السويلم @@

اللي يدور حقائق عند منكر صنيع..
هذاك لاهو بشاريها ولا باعها.

دام العلم ياصحيبي بالمكان الرفيع..
المملكة طيبها من هيبة سباعها.


@@ الأديب / مخلد الخلف @@

ماودي أخالفك لاصرت رجلٍ مطيع..
لاقيل ذا من رجال.ن. يسهل اقناعها.

الجمع هيبة ليا من صار سدٍ منيع..
والا شتات العرب سبيل لاخضاعها.

@@ المخضرم / فهد السويلم @@

حنا كسرنا الاعادي وأنت دور شفيع..
معروف سبع الخلا ونعرف مطواعها.

الذيب لاهد يفدع في سمان القطيع..
ماحسب أخماسها ماحسب أرباعها.


@@ الأديب / مخلد الخلف @@

شفيعي المصطفى في يوم هول.ن. شنيع..
باعمال ما وردت للنار واشعاعها..

والا ترانا خذينا العز من كل ريع..
مع عالم صاعنا يزيد عن صاعها.


@@ المخضرم / فهد السويلم @@

أنته قليبك رعاعه مير حكيك شجيع..
أثر قلوب الاوادم تصفق أضلاعها.

والخاتم اللي بكفك مايعشي مجيع..
وأهل المعزه تجيب الطيب بذراعها.