محاوره بين الشاعرين الشاعر سعيد سعود المحطب والشاعر احمد رشيد

محاورة بين الشاعر أحمد رشيد والشاعر سعيد المحطب
أحمد رشيد
سلام الله سلامن يظهر الرابح من الخسران .........على وضح النقئ والاوله من حظ راعيها
تقدم ي سعيد لا تقوم تصفق الجدران ...........معك شاعر سلومه ي ولد لا مايخليهااا
سعيد المحطب
هلا يامرحبا حييت بين الربع والاخوان
على قل الكلافه وانت بأسماها تسميها
ليامنا حضرنا كل حرف يطيع بالاذعان
أعسف المفرده وأصوغها وأصخر معانيها
أحمد رشيد
يدوم بك البقئ.يلي تبدع بطيب الالحان ...........عيال العم نرفعها ولا نقدر نوطيها
نبي شاعر على المعنى ماهي بملصمقت قيفان ........هذولاء ف اللقى وشلون ي ربعي نجاريها
سعيد المحطب
تسولف عن ضحى النصر الوليد بساحة الميدان
لكن السالفة ماتت على كفين راويها
احسبك تنظر لنجم الفكر وتحدد النيشان
واثر بعض البنادق خانها شخصٍ رمى فيها
أحمد رشيد
انا ماقوللك ي فلان لا صادق ولا غلطان ......شوف الناس تال الوقت ي مطول خطاويها
ليا سقت القدم قدام وانت طمر الجرفان ....على هونك قبل كلمه بوسط الاذن توحيهااا
سعيد المحطب
تغيب البارحة واليوم جيت وجيتك زعلان
عسى مجمل سوالفك القديمة مثل تاليها
انا فكري بحر والبحر فيه الدر والمرجان
ابالك لاتضيع بغبة البحر وشواطيها
أحمد رشيد
انا لا غبت في شغلي ولا لك ي خويي شان ......ترى العربان ي رجال متخلي مباديها
أعرفك ياغدير المي يارد يمك العطشان.....
لفاك البيت ياليتك تحلل في قوافيها...
سعيد المحطب
تغيب نجوم لاشع الصباح ونور شمسه بان
نجومن ساريه ماهي دليل ولا نراعيها
سكن دور اليتامى من دخل في نسبة السكان
لكن اكبر طموحك كلمة قلها وعطنيها