صفحه خاصه لشاعر عمر بن صبح

عمر صبح

سلام الله على اللي نعرف انه من الناس
سلامً يجعل الليلة الغدرا ضحوية

بغيتك ياعميلي بكلمة تقعد الراس
وانا ادري انك اللي مواقيفه جليه

مطر ال طرقي

هلا بك ي المسلم لزوم الراي ينداس
هلابك ي المسلم قبل رد التحيه

انا حاضر ي ابن صبح حذرا الوضع ينحاس
وانا توي نويتك قبل عيد الضحيه

عمر بن صبح

ترا صدري ما دونه عن الغالين حرّاس
لو انهم ماهم بمن مجاني والديّه

قبل يومين كلمني اللي فيه هوجاس
يقول ان لازمه غرب من نجد العذيه

مطر ال طرقي

تقوله يوم قربت لك بن ٍ ومحماس
وأنا ي جعل م ابكيك لو تبكي عليه

انا لرضاك جاهز ي كاسب كل نوماس
لون التكلفه ي ولد راس العبيه

عمر بن صبح

ترا الدعوه بسيطه على اللي يملك احساس
ما يبغا جاهه ولا يبي منّي عطيه

يبي منّي عقال القصب يا طيب الساس
ثلاثه ماهو بواحد ويعطيك زيه

مطر ال طرقي

ترا بعض الدعاوي ماهي جايه على ساس
لونها ي عمر تنّحسب روحه وجيه

تسهل ي خويي عسا ما أجيك بفلاس
قبل لا نحفي الوجه و تبيح الخفيه

عمر بن صبح

يقولون الهقاوي بعض مرات وسواس
ما كلً لا نحرته يبي ينحر مطيه

وهذي وحّده عقبها يا رمح جساس
ترا من غير جسّاس ما جالك هويه

مطر ال طرقي

انا بنهض ع شأنك وببعد لك ب الارماس
عسى الله يجعل لنا وجوب وقابليه

لو نك سقت الاقدام ي رجال لاباس
عطيناك المواتر وبن الشاذليه

عمر بن صبح

نعرف ان الذهب ياعميلي ماهو نحاس
بسوق الطيب والا بعمله مصرفيه

ابا اعطيه الخبر عقب هبّ الصدر نسناس
بعد ما جمّع البيت من كل البريّه

مطر ال طرقي

تريض والرسايل لها منصى و مرواس
اببذل كل جهدي وعطني للعشيه

ختاما ً وانتهى القاف واغلق كل الاقواس
وخاف العلم تكفيك اياه العامريه

عمر صبح

يابن طرقي مرحبا والناس فوق المستديره
كلها تمشي حسب ما قيل فالامر الوزاري

وانت لك وجهة نظر فالاوله قبل الاخيره
لو ما تملك فالبلد شركه ولا مجمع تجاري

مطر ال طرقي

ي ابن صبح ارحب هلابك لو تريست الجزيره
كان ما جاء للبلد بايع ولاجاء شخص شاري

لو قطعناهم من اللي كان م احد ٍ طق زيره
مير خلك في طريقكك لا تبارز لا تماري

عمر بن صبح

لو نحرًف في حديث الترمذي وابو هريرة
يمكن ان اللي براسه عقل تلقاه انتحاري

الحياة دروس يارجال والدعوى خطيره
خطوه بخطوه عشان نواكب العصر الحضاري

مطر ال طرقي

انت وش حدك على ما قيل بحيت السريره
والحقيقه لو نبيها ما نشوف لها مواري

قد تعلمنا وعلمنا وكل ٍ له ضميره
والدروب اثنين هذا لليمين وذا يساري

عمر بن صبح

كان ما عندك سلاح ولا بعد تملك ذخيره
يمكن انك باقي ايامك تقضيها طواري

ليت تقنع كان تبغى تنطح القوم المغيره
احتزم والعلم له كاتب وللتاريخ قاري

مطر ال طرقي

تدري سلاحي بني غانم و شعار العميره
وروس العبس اللي بنادقهم جديدات السواري

انت وينك والحياه اللي تصارعها مريره
عزتي لك م تطوّر دام من حولك قواري

عمر بن صبح

والنعم باللي ذكرت وصيتهم في كل ديره
ما لحقهم شك يوم العز في سفن الصحاري

مير عينك للمعاني دام لك عينً بصيرة
لا تروح ابعيد والمعنا بديته باختياري

مطر ال طرقي

ما عليكم زود والله ف الكبيره والصغيره
ولا علي ّ اخلاف لامنه قدح زندي وناري

طال بحرك ونكسر بيتك تحسبها خطيره
مالها حاجه والا داعي لاجاء هاك النهاري

وسلامتك وطولت عمرك وصح الله لسانك ابدعت . ولا عاد نقدر نواصل معك تتعبنا